സൗദിയില്‍ കൊല്ലം സ്വദേശി ഹൃദയാഘാതം മൂലം മരിച്ചു

ജിസാന്‍: ബൈഷില്‍ കൊല്ലം വായക്കല്‍ സ്വദേശി കബീര്‍ അബ്ദുല്‍ ഖാദര്‍ (49) താമസസ്ഥലത്ത് ഹൃദയാഘാതം മൂലം മരിച്ചു. 18 വര്‍ഷമായി പ്രവാസിയായിരുന്ന കബീര്‍ ഏഴ് വര്‍ഷത്തോളമായി ബൈഷിനടുത്ത് അലായയില്‍ ബകാലയില്‍ ജോലി ചെയ്തുവരികയായിരുന്നു, ഒരു വര്‍ഷം മുമ്പാണ് അവധി കഴിഞ്ഞ് നാട്ടില്‍ നിന്നു തിരിച്ചെത്തിയത്.

കഴിഞ്ഞ ദിവസം ജോലി കഴിഞ്ഞ് തിരിച്ചെത്തിയ ശേഷം ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് സബിയ ജനറല്‍ ആശുപത്രിയില്‍ പ്രവേശിപ്പിച്ചപ്പോഴേക്കും മരണം സംഭവിച്ചിരുന്നു. മൃതദേഹം അലായയില്‍ തന്നെ മറവ് ചെയ്യുമെന്ന് സഹോദരങ്ങളായ സകീര്‍ ഹുസയ്ന്‍, സുധീര്‍ എന്നിവര്‍ അറിയിച്ചു. ഇരുവരും റിയാദില്‍ നിന്നു ബൈഷിലെത്തിയതായിരുന്നു. ഖബറടക്കവുമായി ബന്ധപ്പെട്ട തുടര്‍നടപടികളുമായി ബൈഷിലെ ഇന്ത്യാ ഫ്രറ്റേര്‍ണിറ്റി ഫോറം പ്രവര്‍ത്തകര്‍ രംഗത്തുണ്ട്. മൊയ്തീന്‍ അബ്ദുല്‍ഖാദര്‍-ജമീല ബീവി ദമ്പതികളുടെ മകനാണ്. ഭാര്യ: ഷീജ ബീവി. മക്കള്‍: സുമയ്യ , സൂഫിയ.

Kollam native dies of heart attack in Saudi