Gulf

ഇന്ത്യന്‍ സോഷ്യല്‍ ഫോറം ഇടപെടല്‍; മേല്‍മുറി സ്വദേശി മുജീബ് നാടണഞ്ഞു

ഇന്ത്യന്‍ സോഷ്യല്‍ ഫോറം ഇടപെടല്‍; മേല്‍മുറി സ്വദേശി മുജീബ് നാടണഞ്ഞു
X
അല്‍റസ്(സൗദി അറേബ്യ): നാലു വര്‍ഷത്തോളമായി ഇഖാമ പുതുക്കാന്‍ കഴിയാത്തതിനാല്‍ നാടണയാന്‍ കഴിയാതിരുന്ന മലപ്പുറം മേല്‍മുറി സ്വദേശി മുജീബ് നാടണഞ്ഞു. ഇന്ത്യന്‍ സോഷ്യല്‍ ഫോറം പ്രവര്‍ത്തകരുടെ സഹായത്തോടെയാണ് നാട്ടിലേക്ക് യാത്രയായത്. സൗദിയിലെ അല്‍റാസില്‍ ബാര്‍ബര്‍ തൊഴിലാളിയായിരുന്നു മുജീബ്. കാലാവധി കഴിഞ്ഞിട്ടും സ്പോണ്‍സര്‍ ഇഖാമ പുതുക്കി നല്‍കാത്തതിനാലും കൊവിഡ് പ്രതിസന്ധി മൂലം ജോലിയെടുക്കാനാവാതെയും മുജീബ് ദുരിതത്തിലായി. തുടര്‍ന്ന് അല്‍റസ് ഇന്ത്യന്‍ സോഷ്യല്‍ ഫോറം പ്രവര്‍ത്തകരുടെ ഇടപെടലിലൂടെയാണ് നാട്ടിലേക്ക് പോവാനുള്ള വഴി തുറന്നത്.

നിയമകുരുക്കുകളും സാമ്പത്തിക പ്രതിസന്ധിയും കാരണമാണ് കഫീലിന് ഇഖാമ പുതുക്കാന്‍ കഴിയാതിരുന്നത്. തുടര്‍ച്ചയായ നാല് വര്‍ഷത്തോളം ഇഖാമ പുതുക്കി നല്‍കാതെ നീണ്ടുപോയപ്പോള്‍ അല്‍റസ് സോഷ്യല്‍ ഫോറം പ്രവര്‍ത്തകര്‍ വിഷയത്തില്‍ ഇടപെടുകയായിരുന്നു. തുടര്‍ന്ന് മുജീബ് ലേബര്‍ കോടതിയില്‍ പരാതി നല്‍കിയപ്പോള്‍ ജവാസാത്തില്‍ നിന്ന് എക്‌സിറ്റ് ലഭിച്ചതോടെ

നാടണയാനുള്ള വഴിതുറക്കുകയായിരുന്നു. നിയമ സഹായങ്ങള്‍ക്കും മറ്റുമായി ഇന്ത്യന്‍ സോഷ്യല്‍ ഫോറം അല്‍റസ് ഘടകം ഭാരവാഹികളായ ഷംനാദ് പോത്തന്‍കോട്, സാലിഹ് കാസര്‍കോട്, അയ്യൂബ് പാണായി, ഫിറോസ് മലപ്പുറം എന്നിവരാണു നേതൃത്വം നല്‍കിയത്.

Indian Social Forum Intervention; a native of Melmuri reached home

Next Story

RELATED STORIES

Share it