പ്രവാസികളോടുള്ള വിവേചനം അവസാനിപ്പിക്കണം: ഇന്ത്യന് സോഷ്യല് ഫോറം കുവൈത്ത്
കുവൈത്ത്: വിദേശത്തുനിന്നും കുറഞ്ഞ ലീവില് നാട്ടിലെത്തുന്ന പ്രവാസികള് ഒരാഴ്ച നിര്ബന്ധിത ക്വാറന്റൈനില് കഴിയണമെന്ന കേന്ദ്രസര്ക്കാര് തിരുമാനം പുനപ്പരിശോധിക്കണമെന്ന് ഇന്ത്യന് സോഷ്യല് ഫോറം കുവൈത്ത് കേരള സ്റ്റേറ്റ് കമ്മിറ്റി ആവശ്യപ്പെട്ടു. രണ്ട് ഡോസ് വാക്സിനും കൂടാതെ ബൂസ്റ്റര് ഡോസും പിന്നെ സ്വന്തം ചെലവില് പിസിആര് ടെസ്റ്റ് കഴിഞ്ഞ് നെഗറ്റീവ് റിസള്ടുമായി ഗള്ഫില്നിന്നും നാട്ടിലെത്തുന്ന പ്രവാസികളില്നിന്നുമാണ് കൊവിഡ് പകരുന്നതെന്നും എന്തിനും ഏതിനും പ്രവാസികളോട് കാണിക്കുന്ന ഈ വിവേചനം അപലപനീയമാണ്.
നാട്ടില് എല്ലാ രാഷ്ട്രീയ പാര്ട്ടികള്ക്കും ഒരു നിയന്ത്രണവുമില്ലാതെ പ്രകടനങ്ങള്ക്കും സമ്മേളനങ്ങള്ക്കും സര്ക്കാര് ചെലവില് നടക്കുന്ന ഉദ്ഘാടന മാമാങ്കത്തിനും സര്ക്കാര് അനുവാദം നല്കി കൊവിഡ് വ്യാപനത്തിന് വഴിയൊരുക്കുകയാണ് ചെയ്യുന്നത്. ഇതൊന്നും കണക്കിലെടുക്കാതെ പ്രവാസികളുടെ നെഞ്ചത്ത് കയറുന്ന ഇത്തരം നടപടികള്ക്കെതിരെ എല്ലാ പ്രവാസി സംഘടനകളും പ്രതിഷേധിക്കണമെന്നും ഇത്തരം നടപടികളില് നിന്നും സര്ക്കാര് പിന്തിരിയണമെന്നും യോഗം ആവശ്യപ്പെട്ടു. ഇതിനെതിരേ മുഖ്യമന്ത്രിക്കും ആരോഗ്യമന്ത്രാലയത്തിനും കത്തയക്കാന് യോഗം തീരുമാനിച്ചു. പ്രസിഡന്റ് ശിഹാബ് ടി എസ് അധ്യക്ഷത വഹിച്ചു. ജനറല് സെക്രട്ടറി എഞ്ചിനീയര് അബ്ദുല് റഹിം, വൈസ് പ്രസിഡന്റ് സക്കരിയ ഇരിട്ടി, സെക്രട്ടറി സയ്യിദ് ബുഹാരി തങ്ങള് എന്നിവര് സംസാരിച്ചു.
RELATED STORIES
10 അനാക്കോണ്ട പാമ്പുകളുമായി ബംഗളൂരു കെംപഗൗഡ വിമാനത്താവളത്തില് യുവാവ്...
23 April 2024 7:18 AM GMTപരിശീലനപ്പറക്കലിനിടെ മലേഷ്യന് നാവികസേനയുടെ ഹെലികോപ്റ്ററുകള്...
23 April 2024 7:07 AM GMTമോദിയുടെ വിദ്വേഷപ്രസംഗം വൃന്ദാ കാരാട്ടിന്റെ അഭിഭാഷകന് ഇന്ന് സുപ്രീം...
23 April 2024 6:58 AM GMTരാജീവ് ചന്ദ്രശേഖറിന്റെ നാമനിര്ദേശ പത്രിക തള്ളണമെന്ന ഹരജി തള്ളി...
23 April 2024 6:47 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMT