വിമാനത്തില് കുഴഞ്ഞുവീണ് മരിച്ച പാലൂര് സ്വദേശിയുടെ മൃതദേഹം ഖബറടക്കി
കഴിഞ്ഞ ഞായറാഴ്ചയാണ് ദോഹ (ഖത്തര്) വിമാനത്താവളത്തില്നിന്ന് നാട്ടിലേക്ക് വരാന് വിമാനത്തില് കയറിയപ്പോള് ഇഖ്ബാല് സീറ്റില് കുഴഞ്ഞുവീണ് മരിക്കുന്നത്. ദോഹയില്നിന്ന് മസ്കറ്റ് വഴി നാട്ടിലേക്ക് വരാന് കയറിയ ഒമാന് എയര് വെയ്സ് വിമാനത്തിലായിരുന്നു സംഭവം.
മലപ്പുറം: വിമാനത്തില് കുഴഞ്ഞുവീണ് മരിച്ച പെരിന്തല്മണ്ണ പുലാമന്തോള് വടക്കന് പാലൂരിലെ പരേതനായ പൊതുവാചോല ഹസ്സന്റെ മകന് മുഹമ്മദ് ഇഖ്ബാലിന്റെ (53) മൃതദേഹം ഇന്ന് നാട്ടില് ഖബറടക്കി. കഴിഞ്ഞ ഞായറാഴ്ചയാണ് ദോഹ (ഖത്തര്) വിമാനത്താവളത്തില്നിന്ന് നാട്ടിലേക്ക് വരാന് വിമാനത്തില് കയറിയപ്പോള് ഇഖ്ബാല് സീറ്റില് കുഴഞ്ഞുവീണ് മരിക്കുന്നത്. ദോഹയില്നിന്ന് മസ്കറ്റ് വഴി നാട്ടിലേക്ക് വരാന് കയറിയ ഒമാന് എയര് വെയ്സ് വിമാനത്തിലായിരുന്നു സംഭവം. വിമാനം നീങ്ങിത്തുടങ്ങിയിട്ടും സീറ്റ് ബെല്റ്റിടാത്തതുകണ്ട എയര് ഹോസ്റ്റസ് തട്ടിവിളിച്ചപ്പോഴാണ് മരണവിവരം അറിയുന്നത്.
ഖത്തര് എയര്വേയ്സ് വിമാനത്തില് ഇന്ന് (ബുധന്) പുലര്ച്ചെ 2.30ന് കരിപ്പൂരിലെത്തിച്ച മൃതദേഹം വീട്ടിലെ പൊതുദര്ശനത്തിന് ശേഷമാണ് ഖബറടക്കിയത്. ഖത്തീബ് അബ്ദുല് റസ്സാഖ് അന്വരി കീഴാറ്റൂര് പ്രാര്ത്ഥനയ്ക്ക് നേതൃത്വം നല്കി. കഴിഞ്ഞ 28 വര്ഷമായി ഖത്തറില് ഒരു പ്രമുഖ കമ്പനിയിലെ ട്രക്ക് ഡ്രൈവറായിരുന്നു ഇഖ്ബാല്. മാതാവ്: പരേതയായ ആയിഷ. ഭാര്യ: കൊളത്തൂര് കുറുപ്പത്താലിലെ മുട്ടിക്കല് മൊയ്തീന്റെ മകള് സുമയ്യ. മക്കള്: ഫൗസിയ, ഫസ്ല. മരുമക്കള്: കുന്നക്കാവിലെ ചോലക്കല് മുഹമ്മദാലി. സഹോദരങ്ങള്: യൂസുഫ്, സൈതലവി, നാസര്, ഖദീജ, ആയിഷ, സുബൈദ, കുഞ്ഞിപ്പാത്തുമ്മ (പരേത).
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMT