കൊവിഡ്: സൗദിയില്‍ സന്ദര്‍ശന വിസ ഫീസില്ലാതെ പുതുക്കി നല്‍കിത്തുടങ്ങി

ദമ്മാം: കൊവിഡിന്റെ പശ്ചാത്തലത്തില്‍ സൗദി അറേബ്യയില്‍ സന്ദര്‍ശന വിസയിലുള്ളവര്‍ക്ക് മൂന്ന് മാസത്തേക്ക് സൗജന്യമായി വിസ പുതുക്കി തുടങ്ങിയതായി സൗദി ജവാസാത്ത് അറിയിച്ചു. കൊവിഡ് പ്രതിസന്ധിയെ തുടര്‍ന്ന് വിസ കാലാവധി അവസാനിച്ചവര്‍ക്കാണ് സന്ദര്‍ശന വിസ പുതുക്കി നല്‍കുന്നത്. ഇഖാമ കാലവധി അവസാനിച്ചവര്‍ക്കു മൂന്ന് മാസത്തേക്ക് സൗജന്യമായി പുതുക്കി നല്‍കുന്ന സേവനത്തിനു ഇന്നലെ തുടക്കം കുറിച്ചിരുന്നു. മലയാളികളുള്‍പ്പടെ പല വിദേശികള്‍ക്കും ഇഖാമ പുതുക്കിക്കൊണ്ടുള്ള സന്ദേശം ലഭിച്ചുതുടങ്ങിയിട്ടുണ്ട്.