കൊവിഡ് കാരണം നാട്ടിലെത്താനായില്ല; നിശ്ചയിച്ച വിവാഹം സൗദിയില്വച്ച് നടത്തി മലയാളി കുടുംബം
പെരിന്തല്മണ്ണ അരിപ്ര സ്വദേശി ചെറ്റാലില് അബ്ദുല് ലത്തീഫിന്റെ മകന് മുഹമ്മദ് ശഫീഖിന്റേയും തിരൂര്ക്കാട് വാളന് വീട്ടില് അബ്ദുല് ഹമീദിന്റെ മകള് ഫാത്വിമ റിന്ഷയുടേയും വിവാഹമാണു ഇന്നലെ രാത്രി എട്ടിന് അപ്പോളോ ഡിമോറോ ഹാളില് നടന്നത്.
റിയാദ്: കൊവിഡ് കാരണം അനിശ്ചിതമായി നിലച്ച് പോയ വിമാനസര്വ്വീസ് പുന സ്ഥാപിക്കാത്തത് മൂലം നാട്ടില് പോകാന് കഴിയാത്തതിനാല് നിശ്ചയിച്ച് വച്ച വിവാഹം റിയാദില് നടത്തി. പെരിന്തല്മണ്ണ അരിപ്ര സ്വദേശി ചെറ്റാലില് അബ്ദുല് ലത്തീഫിന്റെ മകന് മുഹമ്മദ് ശഫീഖിന്റേയും തിരൂര്ക്കാട് വാളന് വീട്ടില് അബ്ദുല് ഹമീദിന്റെ മകള് ഫാത്വിമ റിന്ഷയുടേയും വിവാഹമാണു ഇന്നലെ രാത്രി എട്ടിന് അപ്പോളോ ഡിമോറോ ഹാളില് നടന്നത്. ഒരു വര്ഷം മുന്പാണു ഷഫീഖ് റിന്ഷയുമായുള്ള വിവാഹ നിശ്ചയം നടന്നത്.
എന്നാല് വിവാഹത്തിനായി നാട്ടിലെത്താന് കഴിയാത്തതിനാലാണു സൗദിയില് നിക്കാഹ് നടത്താന് ഇരു കുടുംബങ്ങളും തീരുമാനിച്ചത്. റിന്ഷയുടെ പിതാവ് സൗദിയിലില്ലാത്തതിനാല് പിതൃസഹോദര പുത്രനായ അബ്ദുല് സമദിനു പിതാവ് നിക്കാഹിനുള്ള വക്കാലത്ത് നല്കുകയായിരുന്നു. ബുറൈദിലുള്ള സമദും സുഹൃത്തുക്കളും ഇന്നലെ രാവിലെ തന്നെ റിയാദിലെത്തിയിരുന്നു. സൈദലവി ഫൈസി നിക്കാഹിനു നേതൃത്വം നല്കി. റിയാദിലുള്ള ഇരു കുടുംബങ്ങളും സുഹൃത്തുക്കള്ക്കും പുറമെ റിയാദിലെ പ്രമുഖ രാഷ്ട്രീയ മത സാമുഹിക മേഖലകളിലുള്ളവര് ചടങ്ങില് പങ്ക്ചേര്ന്നു.
ഷഫീഖ് ജോലി ചെയ്യുന്ന സ്ഥാപന മേധാവികളായ അലവി കുട്ടി ഒളവട്ടൂര്, അസീസ് വെങ്കിട്ട സഹോദരീ ഭര്ത്താവായ സക്കീര് താഴെകോട്, യുനുസലീം താഴെകോട്, ഷുഐബ് പനങ്ങാങ്ങര, നജ്മുദ്ദീന് മഞ്ഞളാം കുഴി, കോയാമു ഹാജി, മജീദ് മണ്ണാര്മ്മല,മുഹമ്മദ് വേങ്ങര, റിയാസ് തിരൂര്ക്കാട്, റഫീഖ് പുല്ലൂര്, ഷറഫു പുളിക്കല് തുടങ്ങിയവര് നേതൃത്വം നല്കി. തുടര്ന്ന് നടന്ന വിവാഹ സല്കാരത്തില് നിരവധി പേര് പങ്കെടുത്തു.
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT