കുവൈത്തില് ഡെലിവറി കമ്പനികള്ക്ക് നിയന്ത്രണം
ആഭ്യന്തരമന്ത്രാലയത്തിന്റെ നിര്ദേശപ്രകാരം വാണിജ്യമന്ത്രാലയമാണ് ഇതുസംബന്ധിച്ച തീരുമാനമെടുത്തത്. ഡെലിവറി കമ്പനികള്ക്ക്പുതിയ ചട്ടങ്ങളും നിബന്ധനകളും ഏര്പ്പെടുത്തണമെന്നു ആഭ്യന്തരമന്ത്രാലയം വാണിജ്യമന്ത്രാലയത്തോട് ശുപാര്ശ ചെയ്തിരുന്നു.
കുവൈത്ത് സിറ്റി: കുവൈത്തില് ഡെലിവറി കമ്പനികള്ക്ക് ലൈസന്സ് അനുവദിക്കുന്നത് താല്ക്കാലികമായി നിര്ത്തി. ആഭ്യന്തരമന്ത്രാലയത്തിന്റെ നിര്ദേശപ്രകാരം വാണിജ്യമന്ത്രാലയമാണ് ഇതുസംബന്ധിച്ച തീരുമാനമെടുത്തത്. ഡെലിവറി കമ്പനികള്ക്ക്പുതിയ ചട്ടങ്ങളും നിബന്ധനകളും ഏര്പ്പെടുത്തണമെന്നു ആഭ്യന്തരമന്ത്രാലയം വാണിജ്യമന്ത്രാലയത്തോട് ശുപാര്ശ ചെയ്തിരുന്നു. ഡെലിവറി രംഗത്ത് പ്രവര്ത്തിക്കുന്ന ചില കമ്പനികള് ആരോഗ്യത്തിന് ഹാനികരമായ ഉല്പന്നങ്ങള് വിതരണം ചെയ്യുന്നതായും ഇവയെ നിയന്ത്രിക്കാന് പുതിയ ചട്ടങ്ങള് ആവശ്യമാണെന്നും ആഭ്യന്തരമന്ത്രാലയം വാണിജ്യമന്ത്രാലയത്തോട് നിര്ദേശിച്ചിരുന്നു.
സ്വന്തം വിസയിലല്ലാത്ത തൊഴിലാളികളെ ജോലിക്കുവയ്ക്കല്, നിരോധിത ഉല്പന്നങ്ങള് വിതരണം ചെയ്യല് തുടങ്ങിയ കുറ്റങ്ങളും അനുദിനം വര്ധിച്ചുവരുന്നതായി സുരക്ഷാവകുപ്പ് കണ്ടെത്തിയിരുന്നു. ഡെലിവറി മേഖലയില് ഉള്പ്പടെ രാജ്യത്ത് പുതിയ കമ്പനികള് വരുന്നതിന് വാണിജ്യമന്ത്രാലയം എതിരല്ലെന്നും ആഭ്യന്തരമന്ത്രാലയത്തിന്റെ നിര്ദേശങ്ങളുടെ അടിസ്ഥാനത്തില് മേഖലയെ വ്യവസ്ഥാപിതമാക്കുന്നതിനായാണ് ലൈസന്സ് നടപടികള് താല്ക്കാലികമായി നിര്ത്തിയതെന്നും വാണിജ്യമന്ത്രാലയം അറിയിച്ചു. ആഭ്യന്തരമന്ത്രാലയത്തിന്റെ അനുമതിയോടുകൂടി മാത്രമേ ഇനി ലൈസന്സ്അനുവദിക്കൂ. ഡെലിവറി വിപണിയെ നിയന്ത്രിക്കാന് ആരോഗ്യമന്ത്രാലയം, കസ്റ്റംസ് വകുപ്പ്, പരിസ്ഥിതി വകുപ്പ് തുടങ്ങി സര്ക്കാര് വകുപ്പുകളുമായി സഹകരിച്ച് നടപടി സ്വീകരിക്കുമെന്നും വാണിജ്യമന്ത്രാലയം വ്യക്തമാക്കി.
RELATED STORIES
ഈ രോഗം ബാധിച്ചാല് മരണം ഉറപ്പ്; അമീബിക് മസ്തിഷ്ക ജ്വരത്തെ കൂടുതല്...
8 July 2024 11:19 AM GMTകാന്സര് ഉണ്ടാക്കും; 467 ഭക്ഷ്യോല്പ്പന്നങ്ങളില് മാരകവിഷമെന്ന്...
9 May 2024 10:17 AM GMTവെസ്റ്റ് നൈൽ പനി; ആശങ്ക വേണ്ട, ക്ഷീണം മാറാൻ മാസങ്ങളെടുത്തേക്കാം
8 May 2024 4:14 AM GMTഎസ്എംഎ രോഗികള്ക്ക് സ്പൈന് സര്ജറിയ്ക്ക് സര്ക്കാര് മേഖലയില് ആദ്യ...
21 Jan 2023 1:40 AM GMTപകര്ച്ചവ്യാധികളെ നേരിടാന് നിയോജക മണ്ഡലങ്ങളില് അത്യാധുനിക ഐസൊലേഷന്...
18 Dec 2022 8:29 AM GMTമലബാറിലെ ആദ്യ 'നോ കോണ്ട്രാസ്റ്റ് ആന്ജിയോപ്ലാസ്റ്റി'യുമായി...
6 Nov 2022 12:13 PM GMT