ദുബയ്-കോഴിക്കോട് ജില്ലാ കെഎംസിസി ആഭിമുഖ്യത്തില്‍ സിഎച്ച് അനുസ്മരണം ഒക്‌ടോബര്‍ 26ന്

ദുബയ്: ദുബയ് കെഎംസിസി കോഴിക്കോട് ജില്ലാ കമ്മിറ്റി ആഭിമുഖ്യത്തില്‍ സിഎച്ച് അനുസ്മരണം ഒക്‌ടോബര്‍ 26ന് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സിഎച്ച് മുഹമ്മദ് കോയയുടെ അനുസ്മരണാര്‍ത്ഥം കഴിഞ്ഞ മൂന്ന് വര്‍ഷമായി 'സിഎച്ച് രാഷ്ട്ര സേവാ പുരസ്‌കാരം' നല്‍കി വരുന്നുണ്ട്.

ഇപ്രാവശ്യത്തെ അവാര്‍ഡിന് ഡോ. ശശി തരൂര്‍ എംപിയെ ആണ് തിരഞ്ഞെടുത്തിരിക്കുന്നത്. ഡോ. പി.എ ഇബ്രാഹിം ഹാജി ചെയര്‍മാനും എംസി വടകര, ടി.ടി ഇസ്മായില്‍, സി.കെ സുബൈര്‍ എന്നിവര്‍ അംഗങ്ങളുമായ ജൂറിയാണ് അവാര്‍ഡ് ജേതാവിനെ തിരഞ്ഞെടുത്തത്.

ജില്ലാ ഭാരവാഹികളായ ഹംസപയ്യോളി, അബൂബക്കര്‍ മാസ്റ്റര്‍, സുഹംമെദ് മുഹമ്മദ് തെക്കയില്‍, മുഹമ്മദ് മൂഴിക്കല്‍, വി കെ കെ റിയാസ്, ഇസ്മയില്‍ ചെരിപ്പേരി, അഹമ്മദ്ബിച്ചി, മൂസകൊയംബ്രം, അഷറഫ് ചെമ്പോളി, എം പി അശ്‌റഫ്, അബ്ദുല്ല വലിയാണ്ടി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.