അര്ബുദ ചികില്സ: കുവൈത്തില്നിന്ന് ഇന്ത്യന് എയര്ഫോഴ്സ് വിമാനത്തില് പാലക്കാട്ടുകാരി സാധികയും അച്ഛനും നാട്ടിലേക്ക് മടങ്ങി
ഇന്ത്യന് അംബാസിഡര് ജീവസാഗര്, ഫസ്റ്റ് സെക്രട്ടറി സിബി എന്നിവരുടെ കേന്ദ്രവുമായുള്ള അടിയന്തര ഇടപെടലിനെത്തുടര്ന്ന് ഇന്ത്യന് എയര്ഫോഴ്സ് വിമാനത്തില് നാട്ടിലേക്ക് കൊണ്ടുപോവാന് അനുമതി നല്കുകയായിരുന്നു.
കുവൈത്ത്: പാലക്കാട്ടുകാരി സാധികയുടെ അടിയന്തരചികില്സയ്ക്കായി കുവൈത്ത് ഇന്ത്യന് എംബസിയും ഇന്ത്യന് എയര്ഫോഴ്സും കൈകോര്ത്തു. സാധികയുടെ തുടര്ചികില്സയ്ക്കായി ഇന്ത്യന് എയര്ഫോഴ്സ് വിമാനത്തില് സാധികയും അച്ഛനും നാട്ടിലേക്ക് മടങ്ങി. ഇന്ന് ഉച്ചയോടെയാണ് സാധികയും പിതാവ് രതീഷ് കുമാറും നാട്ടിലേക്ക് യാത്രതിരിച്ചത്.
ബ്രെയിന് ട്യൂമറിന് തുടര്ന്ന് കുവൈത്തില് ചികില്സയിലായിരുന്ന സാധികയ്ക്ക് അടിയന്തരമായി ഓപറേഷന് ആവശ്യമായിവരികയും കുവൈത്തില് അതിനുള്ള സംവിധാനങ്ങളില്ലാത്തതിനാല് കുട്ടിയുടെ അച്ഛന് രതീഷ് കുമാര് ഇന്ത്യന് എംബസിയുമായി ബന്ധപ്പെടുകയും ചെയ്തിരുന്നു. തുടര്ന്ന് ഇന്ത്യന് അംബാസിഡര് ജീവസാഗര്, ഫസ്റ്റ് സെക്രട്ടറി സിബി എന്നിവരുടെ കേന്ദ്രവുമായുള്ള അടിയന്തര ഇടപെടലിനെത്തുടര്ന്ന് ഇന്ത്യന് എയര്ഫോഴ്സ് വിമാനത്തില് നാട്ടിലേക്ക് കൊണ്ടുപോവാന് അനുമതി നല്കുകയായിരുന്നു.
നാട്ടില് എയിംസ് ആശുപത്രി അധികൃതര് ഓപറേഷന് ചെയ്യാനുള്ള സംവിധാനങ്ങള് ഒരുക്കിയെന്നുള്ള അറിയിപ്പ് ലഭിച്ചതിനെ ത്തുടര്ന്നാണ് എംബസി ഇടപെട്ട് കാര്യങ്ങള് വേഗത്തിലാക്കിയത്. കുവൈത്തില് കൊവിഡിന്റെ പശ്ചാത്തലത്തില് വിമാനസര്വീസുകള് നിര്ത്തിയതിനാലാണ് ഇന്ത്യന് എയര്ഫോഴ്സ് വിമാനത്തില് കുട്ടിയെ നാട്ടിലേക്ക് അയച്ചത്. ലോക്ക് ഡൗണില് വിമാനസര്വീസ് നിര്ത്തിവച്ചതിനുശേഷം കുവൈത്തില്നിന്നുള്ള ആദ്യരക്ഷാദൗത്യമാണിത്.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT