അമിത് ഷാ ആഭ്യന്തര മന്ത്രിസ്ഥാനം രാജിവെയ്ക്കുക; ഇന്ത്യന് സോഷ്യല് ഫോറം
ഉത്തര്പ്രദേശില് യോഗി ആദിത്യനാഥിന്റെ പോലിസും ആര്എസ്എസ് ഗുണ്ടകളും മുസ്ലിം പ്രദേശങ്ങളില് നടത്തുന്ന നരനായാട്ട് മാധ്യമങ്ങളില്നിന്നും ലോകരാജ്യങ്ങളുടെ ശ്രദ്ധയില് വരുന്നതിനെ തടയുന്നതിനുമാണ് പോപുലര് ഫ്രണ്ട് പോലെയുള്ള സംഘടനകളെ നിരോധിക്കുമെന്ന ഭീഷണി ഇറക്കുന്നതെന്നും യോഗം അഭിപ്രായപ്പെട്ടു.
![അമിത് ഷാ ആഭ്യന്തര മന്ത്രിസ്ഥാനം രാജിവെയ്ക്കുക; ഇന്ത്യന് സോഷ്യല് ഫോറം അമിത് ഷാ ആഭ്യന്തര മന്ത്രിസ്ഥാനം രാജിവെയ്ക്കുക; ഇന്ത്യന് സോഷ്യല് ഫോറം](https://www.thejasnews.com/h-upload/2020/01/07/94684-44e79608-057c-448d-a746-e789d3b36400.jpg)
അല്ഖോബാര്: ഭരണഘടനയ്ക്കെതിരായ പൗരത്വ ഭേദഗതി നിയമം പിന്വലിക്കണം, എന്ആര്സി നടപ്പാക്കരുത് എന്നീ ആവശ്യങ്ങളുന്നയിച്ച് ജെഎന്യുവിലെ വിദ്യാര്ഥികള് നടത്തുന്ന സമരങ്ങള്ക്കുനേരെ പോലിസും എബിവിപി ഗൂണ്ടകളും നടത്തിയ അക്രമത്തിന്റെ ഉത്തരവാദിത്തം ഏറ്റെടുത്ത് അമിത് ഷാ ആഭ്യന്തര മന്ത്രിസ്ഥാനം രാജിവയ്ക്കണമെന്ന് ഇന്ത്യന് സോഷ്യല് ഫോറം അല്ഖോബാര് ബ്ലോക്ക് കമ്മിറ്റി ആവശ്യപ്പെട്ടു. ഭരണഘടനാ വിരുദ്ധവും മതത്തിന്റെ പേരില് ജനങ്ങളെ ഭിന്നിപ്പിക്കുകയും ചെയ്യുന്ന പൗരത്വ ഭേദഗതി നിയമത്തിനെതിരേ രാജ്യവ്യാപകമായി പ്രക്ഷോഭങ്ങള് നടന്നുകൊണ്ടിരിക്കുകയാണ്.
ഉത്തര്പ്രദേശില് യോഗി ആദിത്യനാഥിന്റെ പോലിസും ആര്എസ്എസ് ഗുണ്ടകളും മുസ്ലിം പ്രദേശങ്ങളില് നടത്തുന്ന നരനായാട്ട് മാധ്യമങ്ങളില്നിന്നും ലോകരാജ്യങ്ങളുടെ ശ്രദ്ധയില് വരുന്നതിനെ തടയുന്നതിനുമാണ് പോപുലര് ഫ്രണ്ട് പോലെയുള്ള സംഘടനകളെ നിരോധിക്കുമെന്ന ഭീഷണി ഇറക്കുന്നതെന്നും യോഗം അഭിപ്രായപ്പെട്ടു. അഭിപ്രായസ്വാതന്ത്ര്യത്തിന് കടിഞ്ഞാണിട്ട് പൗരത്വ ഭേദഗതിക്കെതിരേയുള്ള സമരങ്ങളെ വരുതിയിലാക്കാനുള്ള ശ്രമത്തിന്റെ ഭാഗമായിട്ടാണ് ചന്ദ്രശേഖര് ആസാദിനെ ജയിലില് ചികില്സ പോലും തടഞ്ഞുകൊണ്ട് പാര്പ്പിച്ചിരിക്കുന്നതും കഴിഞ്ഞ ദിവസം യുപിയില് പരിപാടിയില് പങ്കെടുക്കാനെത്തിയ കണ്ണന് ഗോപിനാഥനെ അറസ്റ്റുചെയ്തതുമെന്ന് കമ്മിറ്റി കുറ്റപ്പെടുത്തി.
ബ്ലോക്ക് പ്രസിഡന്റ് മന്സൂര് പൊന്നാനി അധ്യക്ഷത വഹിച്ച യോഗം സോഷ്യല് ഫോറം ദമ്മാം കേരള സംസ്ഥാന കമ്മിറ്റി ജനറല് സെക്രട്ടറി മുബാറക് പൊയില്ത്തൊടി ഉദ്ഘാടനം ചെയ്തു. ഷെരീഫ് കോട്ടയം, ഹബീബ് കൊടുവള്ളി, അഷ്റഫ് പാലക്കാട്, അസ്കര് തിരുനാവായ, അബ്ദുല് റഹിം വടകര, അനസ് പന്തളം, അമീന് ബീമാപള്ളി തുടങ്ങിയവര് സംസാരിച്ചു.
RELATED STORIES
'ഓരോ വോട്ടും ചെയ്യാന് കഠിനാധ്വാനം ചെയ്യും'; പ്രസിഡന്റ്...
27 July 2024 5:33 AM GMTമണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMT