തൃശൂര്‍ സ്വദേശി ദുബയില്‍ കൊവിഡ് ബാധിച്ച് മരിച്ചു

അബൂദബി: കൊവിഡ് ബാധിച്ച് ഒരു മലയാളി കൂടി യുഎഇയില്‍ മരിച്ചു. തൃശൂര്‍ അടാട്ട് പുരനാട്ടുകര വിഷ്ണുക്ഷേത്രത്തിന് സമീപം മഠത്തില്‍പറമ്പില്‍ രാമകൃഷ്ണന്റെ മകന്‍ ശിവദാസാ(41)ണ് മരിച്ചത്. ദുബയ് അല്‍ഖൂസില്‍ ഡ്രൈവറായിരുന്നു. ഈമാസം 19ന് കൊവിഡ് സ്ഥിരീകരിച്ച ഇദ്ദേഹം അഞ്ചുദിവസം മുമ്പ് മുതല്‍ ദുബയ് റാശിദ് ആശുപത്രിയില്‍ ചികില്‍സയിലായിരുന്നുവെന്ന് സുഹൃത്തുക്കള്‍ പറഞ്ഞു. മൃതദേഹം കൊവിഡ് പ്രോട്ടോകോള്‍ അനുസരിച്ച് ദുബയില്‍ സംസ്‌കരിക്കും. ഭാര്യ: സൂരജ. മക്കള്‍: അമേയ, അക്ഷര.