ഫ്രൈഡേ ക്ലബ് ഫാമിലി മീറ്റ് ഫുട്ബോളിൽ കില്ലേഴ്സ് ചാമ്പ്യൻമാർ

ജിദ്ദ: ഫ്രൈഡേ ക്ലബ് ജിദ്ദ വർഷം തോറും നടത്തിവരാറുള്ള കുടുംബ സംഗമം ഈ വര്‍ഷം മൗണ്ടൈൻ ബ്രീസ് വില്ലയിൽ സംഘടിപ്പിച്ചു. കുട്ടികളുടെയും മുതിർന്നവരുടെയും കലാ കായിക മത്സരങ്ങളും, തംബോലയും, നോക്കൗട്ട് ഫുട്ബോൾ ടൂർണ്ണമെന്റും ഫാമിലി മീറ്റിനെ വർണ്ണാഭമാക്കി.

ഫുട്ബോളിൽ വമ്പൻസ് എണ്ണപ്പാടം, ഉറപ്പാണ് മുച്ചുന്തി, ടൗൺ ടീം കുണ്ടുങ്ങൽ, കില്ലേഴ്സ് ഹൽവ ബസാർ എന്നീ ടീമുകൾ തമ്മിൽ ഏറ്റുമുട്ടിയപ്പോൾ മുച്ചുന്തിയും ഹൽവാബസാറും ഫൈനലിൽ പ്രവേശിച്ചു. ഫൈനലിൽ ഏകപക്ഷീയമായ 3 ഗോളുകൾക്ക് ഹൽവ ബസാർ ജേതാക്കളായി. ഹൽവ ബസാറിന് വേണ്ടി ഷാഫി കെ എം, മുഹാജിർ, ഇഹ്‌സാൻ, ഗോളി മുനീബ് എന്നിവരും മുച്ചുന്തിക്ക് വേണ്ടി റിയാസ്, മുഫീദ് എന്നിവരും മികച്ച പ്രകടനം കാഴ്ചവെച്ചു. ജരീർ, യസീദ്, മുഫീദ് എന്നിവർ മത്സരങ്ങൾക്ക് നേതൃത്വം നൽകി, നാസർ അമ്പലപ്പള്ളി മൽസരങ്ങൾ നിയന്ത്രിച്ചു.

മുതിർന്ന മെമ്പറായ നിസാർ കിൻസന്റകത്തിന് കമ്മിറ്റിക്കു വേണ്ടി ഹിഫ്‌സുറഹ്മാൻ ഉപഹാരം നൽകി ആദരിച്ചു. തംബോല മുജീബ് എസ് എമ്മും കുട്ടികളുടെ കളികൾ മുഹമ്മദ്, കഫീൽ, നിസ്‌വർ എന്നിവരും നിയന്ത്രിച്ചു. വിജയികൾക്കുള്ള സമ്മാനദാനം ഹാരിസ് കെ, ആലു കോശനി, സിനാനി സി ബി വി, കമറുദ്ദിൻ കെ എന്നിവർ നിർവഹിച്ചു. ഫാമിലി മീറ്റിൽ പങ്കെടുത്ത എല്ലാവര്ക്കും ജരീർ നന്ദി പറഞ്ഞു.