ശ്രീലങ്കന് ക്രിക്കറ്റിലെ അഴിമതി: സനത് ജയസൂര്യയ്ക്ക് രണ്ടുവര്ഷത്തെ വിലക്ക്
ശ്രീലങ്കന് ക്രിക്കറ്റുമായി ബന്ധപ്പെട്ട അഴിമതി ആരോപണങ്ങളില് അഴിമതി വിരുദ്ധ സമിതി നടത്തിവരുന്ന അന്വേഷണത്തോട് ജയസൂര്യ സഹകരിക്കാത്തതിനാണ് വിലക്കേര്പ്പെടുത്തിയിരിക്കുന്നത്.
കൊളംബോ: ശ്രീലങ്കന് മുന് ക്രിക്കറ്റ് ക്യാപ്റ്റന് സനത് ജയസൂര്യയ്ക്ക് ഐസിസി രണ്ടുവര്ഷത്തെ വിലക്കേര്പ്പെടുത്തി. ഐസിസിയുടെ അഴിമതി വിരുദ്ധചട്ടം ലംഘിച്ചതിനെത്തുടര്ന്നാണ് അച്ചടക്ക നടപടി. ശ്രീലങ്കന് ക്രിക്കറ്റുമായി ബന്ധപ്പെട്ട അഴിമതി ആരോപണങ്ങളില് അഴിമതി വിരുദ്ധ സമിതി നടത്തിവരുന്ന അന്വേഷണത്തോട് ജയസൂര്യ സഹകരിക്കാത്തതിനാണ് വിലക്കേര്പ്പെടുത്തിയിരിക്കുന്നത്. ജയസൂര്യ ലങ്കന് സെലക്ഷന് കമ്മിറ്റി ചെയര്മാനായിരിക്കെ നടന്ന ക്രമക്കേടുകളാണ് ഐസിസി അന്വേഷിക്കുന്നത്.
രണ്ടുകുറ്റങ്ങളാണ് താരത്തിനെതിരെ അഴിമതി വിരുദ്ധ സമിതി ചുമത്തിയിരുന്നത്. എന്നാല്, താരം അന്വേഷണവുമായി സഹകരിക്കുന്നില്ലെന്നും അന്വേഷണം വൈകിപ്പിക്കുകയും തടസ്സപ്പെടുത്തുകയും ചെയ്യുന്നുവെന്നുമായിരുന്നു കണ്ടെത്തല്. 2021വരെ ക്രിക്കറ്റുമായി ബന്ധപ്പെട്ട ഒരു കാര്യത്തിലും ജയസൂര്യ സഹകരിക്കരുതെന്നാണ് ഐസിസിയുടെ നിര്ദേശം. ശ്രീലങ്കന് ക്രിക്കറ്റിലെ ഭരണപരമായ കാര്യങ്ങളിലും താരത്തിന് ഇനി ഇടപെടാനാവില്ല. 1996 ല് ശ്രീലങ്കയ്ക്ക് വേള്ഡ് കപ്പ് നേടിക്കൊടുക്കുന്നതില് നെടുംതൂണായി നിന്ന ജയസൂര്യ 110 ടെസ്റ്റുകളും 445 ഏകദിനവും 31 ട്വന്റി-20യും കളിച്ചിട്ടുണ്ട്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT