എഫ്ഐആര് ഏതു പോലിസ് സ്റ്റേഷനിലും രജിസ്റ്റര് ചെയ്യാം
ക്രിമിനൽ നടപടി നിയമസംഹിതയിലെ വകുപ്പ് 170 പ്രകാരമാണ് ഇത് ചെയ്യുന്നത്. ട്രെയിനിലോ ബസ്സിലോ കുറ്റകൃത്യങ്ങള്ക്ക് ഇരയാകുന്നയാള്ക്ക് ഇറങ്ങുന്ന സ്ഥലത്തെ പോലിസ് സ്റ്റേഷനില് പരാതി നല്കി എഫ്ഐആര് രജിസ്റ്റര് ചെയ്യാന് ഇതുവഴി സാധിക്കും.
തിരുവനന്തപുരം: സംസ്ഥാനത്തെ ഏതു പോലിസ് സ്റ്റേഷനിലും പ്രഥമവിവര റിപ്പോര്ട്ട് രജിസ്റ്റര് ചെയ്യാം. തുടര്ന്ന് ബന്ധപ്പെട്ട പോലിസ് സ്റ്റേഷനിലേയ്ക്ക് എഫ്ഐആര് അയച്ചുകൊടുക്കും. അതതു സ്ഥലത്തെ പോലിസ് സ്റ്റേഷനില് തന്നെ എഫ്ഐആര് രജിസ്റ്റര് ചെയ്യണമെന്ന് നിര്ബന്ധമില്ല.
ക്രിമിനൽ നടപടി നിയമസംഹിതയിലെ വകുപ്പ് 170 പ്രകാരമാണ് ഇത് ചെയ്യുന്നത്. ട്രെയിനിലോ ബസ്സിലോ കുറ്റകൃത്യങ്ങള്ക്ക് ഇരയാകുന്നയാള്ക്ക് ഇറങ്ങുന്ന സ്ഥലത്തെ പോലിസ് സ്റ്റേഷനില് പരാതി നല്കി എഫ്ഐആര് രജിസ്റ്റര് ചെയ്യാന് ഇതുവഴി സാധിക്കും. ഇതു സംബന്ധിച്ച് സംസ്ഥാന പോലീസ് മേധാവി ലോക്നാഥ് ബെഹ്റ എല്ലാ പോലിസ് ഉദ്യോഗസ്ഥര്ക്കും നിര്ദ്ദേശം നല്കി.
പോലിസിന് നേരിട്ട് കേസ് എടുക്കാവുന്ന കുറ്റകൃത്യത്തെക്കുറിച്ച് അറിവ് ലഭിക്കുന്ന പോലിസ് ഉദ്യോഗസ്ഥന് എഫ്ഐആര് രജിസ്റ്റര് ചെയ്യാത്തപക്ഷം അദ്ദേഹത്തിന് രണ്ടുവര്ഷം വരെ തടവും പിഴയും ശിക്ഷ നല്കാന് ഇന്ത്യന് ശിക്ഷാ നിയമം വ്യവസ്ഥ ചെയ്യുന്നു. ഈ സാഹചര്യത്തിലാണ് തന്റെ അധികാരപരിധിയുടെ പുറത്ത് നടന്ന കുറ്റകൃത്യമാണെങ്കിലും എഫ്ഐആര് രജിസ്റ്റര് ചെയ്ത് ബന്ധപ്പെട്ട സ്റ്റേഷനിലേയ്ക്ക് അയച്ചുകൊടുക്കാന് സംസ്ഥാന പോലിസ് മേധാവി നിര്ദ്ദേശിച്ചത്. നിര്ദ്ദേശം പാലിക്കുന്നതില് വീഴ്ച വരുത്തുന്നവര്ക്കെതിരെ വകുപ്പുതലത്തിലും നടപടി സ്വീകരിക്കുമെന്ന് അദ്ദേഹം അറിയിച്ചു.
ഉത്തര് പ്രദേശ് സര്ക്കാരും ലളിതകുമാരിയും തമ്മില് നടന്ന കേസില് സുപ്രീം കോടതിയുടെ ഭരണഘടനാബഞ്ച് എഫ്ഐആര് രജിസ്റ്റര് ചെയ്യുന്നതിനെക്കുറിച്ച് വിശദമായി പ്രതിപാദിച്ചിരുന്നു.
RELATED STORIES
കോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTപുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT'തനിക്ക് ചെയ്യാൻ കഴിയുന്നതെല്ലാം ചെയ്യും'; സിദ്ധാര്ത്ഥന്റെ...
29 March 2024 11:02 AM GMT