ഡാമുകളിലെ ജലനിരപ്പ് ഉയരുന്നു; ദുരിതാശ്വാസ ക്യാംപുകളില്‍ 437 പേര്‍

തിരുവനന്തപുരം: കനത്ത മഴയെ തുടര്‍ന്ന് സംസ്ഥാനത്തെ ഡാമുകളിലെ ജലനിരപ്പ് ഉയരുന്നു. ഇടുക്കി അണക്കെട്ടിലെ ജലനിരപ്പ് രണ്ടര അടി കൂടി. നിലവില്‍ 2307. 12 അടിയാണ് അണക്കെട്ടിലെ ജലനിരപ്പ്. മലങ്കര അണക്കെട്ടിന്റെ 1 ഷട്ടര്‍ കൂടി ഇന്ന് രാവിലെ ഉയര്‍ത്തി (ഇന്നലെ വൈകിട്ട് 2 ഷട്ടറുകള്‍ ഉയര്‍ത്തിയിരുന്നു).

പലയിടത്തും മണ്ണിടിച്ചില്‍ ഉണ്ടായി. മുല്ലപ്പെരിയാര്‍ അണക്കെട്ടിലെ ജലനിരപ്പ് 112.5 അടിയായി. ഇന്നലെ 112.2 അടിയായിരുന്നു. തൃശൂര്‍ പെരിങ്ങല്‍ക്കുത്ത് ഡാം തുറക്കാന്‍ ജില്ലാ കലക്ടര്‍ അനുമതി നല്‍കി. ഇതുവരെ സംസ്ഥാനത്ത് ആരംഭിച്ച 9 ദുരിതാശ്വാസ ക്യാംപുകളിലേക്ക് 106 കുടുംബങ്ങളിലായി 437 പേരെ മാറ്റി.