താമരശ്ശേരി ചുരത്തില് നിന്ന് മുന്നറിയിപ്പ്; ഇന്ന് ചുരം കയറുന്നവര് വെള്ളവും ഭക്ഷണവും ഇന്ധനവും കരുതണം
കോഴിക്കോട്: താമരശ്ശേരി ചുരത്തില് വന് ഗതാഗത കുരുക്ക്. ഇന്ന് പുലര്ച്ചെ ആറാം വളവില് ലോറി തകരാറിലായി കുടുങ്ങിയതോടെയാണ് ഗതാഗത തടസം നേരിട്ടത്. ആറാം വളവില് വീതികുറഞ്ഞ ഭാഗത്താണ് ചരക്കുലോറി ജോയിന്റ് പൊട്ടി കുടുങ്ങിയത്. ഇന്ന് ചുരം വഴി യാത്ര ചെയ്യുന്നവര് ആവശ്യത്തിന് വെള്ളവും ലഘു ഭക്ഷണവും കരുതണമെന്നും വാഹനത്തില് ഇന്ധനം ആവശ്യത്തിനു ഉണ്ടെന്ന കാര്യം ഉറപ്പുവരുത്തണമെന്നും ചുരം സംരക്ഷണ സമിതി പ്രവര്ത്തകരും പൊലീസും അറിയിച്ചു.
ചുരത്തില് വാഹനങ്ങള് നിറഞ്ഞതോടെ വയനാട് ഭാഗത്തേക്ക് വൈത്തിരി വരെയും താഴെ ഈങ്ങാപ്പുഴക്ക് അടുത്ത് വരെയും വാഹനങ്ങളുടെ നീണ്ട നിരയാണ്. രാവിലെ 5.45 ഓടെയാണ് കുരുക്ക് രൂക്ഷമായത്. ചെറിയ വാഹനങ്ങള്ക്ക് പോലും കഷ്ടിച്ചാണ് കടന്നു പോകാന് കഴിയുന്നത്. വാഹനത്തിന്റെ തകരാര് പരിഹരിക്കാനുള്ള ശ്രമങ്ങള് നടക്കുന്നുണ്ട്. മെക്കാനിക്കുകള് എത്തിയിട്ടുണ്ടെങ്കിലും തകരാറായ ഭാഗം മാറ്റിവെച്ച് ലോറി നീക്കണമെങ്കില് സമയമെടുക്കും.നിലവില് സ്വകാര്യ, സര്ക്കാര് ബസുകളും നൂറുകണക്കിന് കാറുകളും ടിപ്പര് ലോറികളുമെല്ലാം ചുരത്തില് കുടുങ്ങിയിരിക്കുകയാണ്. ലൈന് ട്രാഫിക് കര്ശനമായി പാലിക്കണം. നിര തെറ്റിച്ചുള്ള ഡ്രൈവിങ് ശ്രദ്ധയില്പ്പെട്ടാല് ചുരത്തില് വെച്ച് തന്നെ നടപടിയുണ്ടാകും. താമരശ്ശേരി പൊലീസും ചുരം സംരക്ഷണ സമിതി പ്രവര്ത്തകരും നാട്ടുകാരും ഗതാഗത കുരുക്ക് നീക്കാന് ശ്രമം തുടരുകയാണ്.
RELATED STORIES
അന്ന് ആര്എസ്എസ് സഹായം വേണ്ടിയിരുന്നു; ഇന്ന് ബിജെപി വളര്ന്നു: ജെ പി...
18 May 2024 10:06 AM GMTസംസ്ഥാനത്ത് അതിതീവ്ര മഴയ്ക്ക് സാധ്യത; മൂന്ന് ജില്ലകളിൽ റെഡ് അലർട്ട്
18 May 2024 9:51 AM GMTബംഗാള് ഗവര്ണര്ക്കെതിരെ ലൈംഗീകാതിക്രമ പരാതി നല്കുന്നതില് നിന്ന്...
18 May 2024 9:50 AM GMTഅനധികൃത മത്സ്യബന്ധനം; നാല് പ്രവാസികൾ അറസ്റ്റിൽ
18 May 2024 9:46 AM GMTപക്ഷിപ്പനി:പത്തനംതിട്ടയിലെ നിരണം ഗ്രാമപഞ്ചായത്ത് 11-ാം വാര്ഡില്...
18 May 2024 9:45 AM GMTസ്വാതി മലിവാളിന്റെ പരാതി; കെജ്രിവാളിന്റെ സഹായി അറസ്റ്റില്
18 May 2024 9:44 AM GMT