നല്ല സ്ഥാനാർഥികളായാൽ സമുദായം പ്രശ്നമല്ല: വി കെ പ്രശാന്ത്

തിരുവനന്തപുരം: നല്ല സ്ഥാനാർഥികളായാൽ സമുദായം പ്രശ്നമല്ലെന്ന് വടിയൂർക്കാവിലെ എൽഡിഎഫ് സ്ഥാനാർഥി വി കെ പ്രശാന്ത്. നാടിന് നല്ലത് ചെയ്യുന്നവർക്ക് എല്ലാവരുടെയും പിന്തുണ ലഭിക്കും. എൽഡിഎഫ് യുവാക്കൾക്ക് വലിയ പ്രോത്സാഹനമാണ് നൽകിയത്. നഗരസഭയുടെയും സംസ്ഥാന സർക്കാരിന്റേയും വികസന പ്രവർത്തനങ്ങൾക്കുള്ള അംഗീകാരമാണ് വടിയൂർക്കാവിലെ ട്രെൻഡ് നൽകുന്ന സൂചനയെന്നും വി കെ പ്രശാന്ത്.

ചെറുപ്പക്കാരുടെയും സ്ത്രീകളുടെയും എല്ലാ വിഭാഗങ്ങളുടെയും വോട്ടുകള്‍ ലഭിച്ചു. മേയര്‍ എന്ന നിലയിലുള്ള പ്രവര്‍ത്തനം ഗുണം ചെയ്തു. സര്‍ക്കാരിന്റെ പ്രവര്‍ത്തനങ്ങള്‍ ഗുണം ചെയ്തുവെന്നും പ്രശാന്തിന്റെ പ്രതികരണം.