പാലായില്‍ കുളിക്കാനിറങ്ങിയ രണ്ടു യുവാക്കള്‍ മുങ്ങി മരിച്ചു

കോട്ടയം: പാലാ മുരിക്കുംപുഴയില്‍ കുളിക്കാനിറങ്ങിയ രണ്ടു യുവാക്കള്‍ ഒഴുക്കില്‍പ്പെട്ടു മരിച്ചു. കൂരാലി കണ്ടെത്തിന്‍കരയില്‍ ജിസ് സാബു, ചെമ്മലമറ്റം വെട്ടിക്കല്‍ ബിബിന്‍ ബാബു എന്നിവരാണ് മരിച്ചത്. വൈകിട്ട് മൂന്നിയോടെയായിരുന്നു അപകടം. മുരിക്കുംപുഴ ചോളമണ്ഡലം ഫിനാന്‍സ് കമ്പനിയിലെ ജീവനക്കാരാണ്. മുരിക്കുംപുഴ തൈങ്ങന്നൂര്‍ കടവിലാണ് സംഭവം.