വിവാദ പോസ്റ്റിനു പിന്നാലെ തിരുവനന്തപുരം കലക്ടര്‍ അവധിയില്‍

തിരുവനന്തപുരം: പ്രളയ ദുരന്തം ഏറ്റവും കൂടുതല്‍ ബാധിച്ച വടക്കന്‍ കേരളത്തിലേക്ക് സാധന സാമഗ്രികളുടെ ആവശ്യമില്ലെന്ന് ഫെയ്‌സ് ബുക്ക് ലൈവിലൂടെ പറഞ്ഞ് വിവാദം സൃഷ്ടിച്ചതിനു പിന്നാലെ തിരുവനന്തപുരം ജില്ലാ കളക്ടര്‍ കെ. ഗോപാലകൃഷ്ണന്‍ അവധിയില്‍.ഇപ്പോള്‍ സാധന സാമഗ്രികള്‍ എത്തിക്കേണ്ട കാര്യമില്ലെന്നും കളക്ഷന്‍ പോയിന്റുകള്‍ ആരംഭിക്കേണ്ട കാര്യമില്ലെന്നുമാണ് അദ്ദേഹം ലൈവില്‍ പറഞ്ഞത്.സാമൂഹ്യ പ്രവര്‍ത്തകരും മാധ്യമ പ്രവര്‍ത്തകരും കളക്ടറുടെ പ്രതികരണത്തിനെതിരെ രംഗതെത്തി. കളക്ടറുടെ ഈ വാക്കുകള്‍ തിരുവനന്തപുരത്തെ കളക്ഷന്‍ പോയിന്റുകളില്‍ സാധനങ്ങള്‍ എത്തുന്നത് വൈകിക്കുന്നു എന്ന ആരോപണമാണ് ഇവര്‍ ഉയര്‍ത്തുന്നത്. നിലവില്‍ തിരുവനന്തപുരത്തെ ക്യാമ്പുകളില്‍ എത്തിയ സാധനങ്ങളുടെ അളവും കുറവാണ്. ഇതിനിടെയാണ് സര്‍ക്കാര്‍ ഉദ്യോഗസ്ഥര്‍ ലീവ് എടുക്കരുതെന്ന് സര്‍ക്കാര്‍ ഉത്തരവുണ്ടായിട്ടും ഇന്ന് മുതല്‍ കളക്ടര്‍ ലീവാണെന്ന റിപ്പോര്‍ട്ട് വന്നിരിക്കുന്നത്.ആഗസ്ത് 10,11,12,13 തിയ്യതികളില്‍ സര്‍ക്കാര്‍ ഉദ്യോഗസ്ഥര്‍ ലീവ് എടുക്കരുതെന്നാണ് സര്‍ക്കാര്‍ നിര്‍ദേശം