സ്വര്‍ണക്കടത്ത്: സ്വപ്‌നയുടെയും സരിത്തിന്റെയും രഹസ്യമൊഴിയെടുക്കല്‍ തുടങ്ങി

കൊച്ചി: തിരുവനന്തപുരം വിമാനത്താവളം വഴി സ്വര്‍ണം കടത്തിയ കേസിലെ പ്രതികളായ സ്വപ്‌ന സുരേഷ്, സരിത് എന്നിവരുടെ രഹസ്യ മൊഴിയെടുക്കല്‍ തുടങ്ങി. എറണാകുളം ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതി (മൂന്ന്) മുമ്പാകെ ഹാജരായാണ് ഇരുവരും ഇന്ന് മൊഴി നല്‍കിയത്. വിശദമായ മൊഴിയെടുക്കലിന് നാളെ വീണ്ടും ഹാജരാക്കാന്‍ കോടതി നിര്‍ദേശിച്ചു.

സാമ്പത്തിക കുറ്റകൃത്യങ്ങള്‍ പരിഗണിക്കുന്ന എറണാകുളം അഡീഷനല്‍ ചീഫ് ജുഡീഷ്യല്‍ മജിസ്ട്രേറ്റ് (സാമ്പത്തികം) കോടതിയില്‍ കഴിഞ്ഞ ദിവസം ഹാജരായപ്പോള്‍ തങ്ങള്‍ക്ക് രഹസ്യമായി ചിലത് പറയാനുണ്ടെന്ന് ബോധിപ്പിച്ചിരുന്നു. ഇതിന്റെ അടിസ്ഥാനത്തിലാണ് കോടതി രഹസ്യമൊഴിയെടുക്കുന്നത്.