മുത്തലാഖ് ബില്ലില് ചര്ച്ച നടക്കുമ്പോള് കുഞ്ഞാലിക്കുട്ടി നാട്ടിലെ കല്യാണത്തില്
ബില് ചര്ച്ചയിലും വോട്ടെടുപ്പിലും കുഞ്ഞാലിക്കുട്ടി പങ്കെടുക്കാത്തത് ബി ജെ പിയുമായുണ്ടാക്കിയ ധാരണയുടെ അടിസ്ഥാനത്തിലാണെന്ന് ഐഎന്എല് ആരോപിച്ചു.
തിരുവനന്തപുരം: മുത്തലാഖ് ബില്ല് ചര്ച്ചയില് മുസ്ലി ലീഗ് നേതാവ് പികെ കുഞ്ഞാലിക്കുട്ടി പങ്കെടുക്കാത്തതിനെതിരെ വിമര്ശനം ശക്തമാകുന്നു. ബില് ചര്ച്ചയിലും വോട്ടെടുപ്പിലും കുഞ്ഞാലിക്കുട്ടി പങ്കെടുക്കാത്തത് ബി ജെ പിയുമായുണ്ടാക്കിയ ധാരണയുടെ അടിസ്ഥാനത്തിലാണെന്ന് ഐഎന്എല് ആരോപിച്ചു. ഇ ടി മുഹമ്മദ് ബഷീര് വോട്ട് ചെയ്തപ്പോള് കുഞ്ഞാലിക്കുട്ടി എന്തുകൊണ്ടാണ് മാറി നിന്നതെന്ന് വ്യക്തമാക്കണമെന്ന് ഐഎന്എല് സംസ്ഥാന സെക്രട്ടേറിയറ്റ് അംഗം അബ്ദുല് അസീസ് ആവശ്യപ്പെട്ടു.
ലോക്സഭയില് സുപ്രധാന ചര്ച്ച നടക്കുമ്പോള് കുഞ്ഞാലിക്കുട്ടി സുഹൃത്തായ പ്രവാസിയുടെ മകന്റെ വിവാഹച്ചടങ്ങില് പങ്കെടുക്കാന് നാട്ടില്ത്തങ്ങിയെന്നാണ് വ്യക്തമാകുന്നത്. ഐഎന്എല്ലിന്െ ആരോപണങ്ങള്ക്കടക്കം മറുപടി കുഞ്ഞാലിക്കുട്ടി തന്നെ നല്കുമെന്ന് മുസ്ലിം ലീഗ് ജനറല് സെക്രട്ടറി കെ പി എ മജീദ് പ്രതികരിച്ചു. വിവാദത്തോട് കുഞ്ഞാലിക്കുട്ടിതന്നെയാണ് പ്രതികരിക്കേണ്ടതെന്നും അദ്ദേഹം കൂട്ടിച്ചേര്ത്തു.
മുത്തലാഖ് ബില്ല് ഇന്നലെയാണ് ലോക്സഭയില് പാസായത്. ഏറെ തര്ക്കങ്ങള്ക്കും വിവാദങ്ങള്ക്കും ഒടുവില് രണ്ടാം തവണയും ബില് ലോക്സഭയില് പാസാക്കുകയായിരുന്നു. ബില്ലില് നടത്തിയ വോട്ടെടുപ്പ് കോണ്ഗ്രസ് അടക്കമുള്ള കക്ഷികള് ബഹിഷ്കരിച്ചപ്പോള് സിപിഎമ്മും ആര്എസ്പിയുടെ എന് കെ പ്രേമചന്ദ്രനും എഐഎംഐഎം നേതാവ് അസദുദ്ദീന് ഒവൈസിയും ബില്ലിനെ എതിര്ത്ത് വോട്ട് ചെയ്തു. ഈ സാഹചര്യത്തില് കുഞ്ഞാലിക്കുട്ടിയുടെ അസാന്നിധ്യം സോഷ്യല് മീഡിയയിലും വലിയ ചര്ച്ചയായിട്ടുണ്ട്.
സ്വന്തം മകളുടെ കല്യാണത്തിന്റെ തലേ ദിവസമായിട്ടും അസദുദ്ദീന് ഉവൈസി പാര്ലമെന്റിലെത്തി ബില്ലിനെ എതിര്ത്ത് വോട്ട് രേഖപ്പെടുത്തിയതും ചിലര് ചൂണ്ടികാട്ടിയിട്ടുണ്ട്.
RELATED STORIES
ഇസ്രായേല് മന്ത്രിയെ വളഞ്ഞ് പ്രതിഷേധക്കാര്; ഒഴിപ്പിച്ച് പോലിസ്|THEJAS ...
25 April 2024 9:31 AM GMTഫലസ്തീന് പ്രശ്നപരിഹാരം ആഗോള സമാധാനത്തിന് അനിവാര്യമെന്ന്...
24 April 2024 12:58 PM GMTവിഷം തുപ്പിക്കൊണ്ടിരിക്കുന്ന മോദി|THEJAS NEWS
24 April 2024 9:22 AM GMTഇറാനു പിന്നാലെ ഹിസ്ബുല്ലയും; വിറങ്ങലിച്ച് ഇസ്രായേല്
24 April 2024 8:25 AM GMTസൈനിക ഹെലികോപ്റ്ററുകള് കൂട്ടിയിടിച്ച് 10 മരണം
23 April 2024 11:23 AM GMTഇസ്രായേലില് പൊട്ടിത്തെറി; മിലിറ്ററി ഇന്റലിജന്സ് മേധാവി...
22 April 2024 2:28 PM GMT