Top

ട്രാക്ക് നവീകരണത്തിന്റെ പേരില്‍ പുതുവര്‍ഷ ദിനത്തില്‍ ഏര്‍പ്പെടുത്തിയ തീവണ്ടി ഗതാഗത നിയന്ത്രണം റെയില്‍വേ പിന്‍വലിച്ചു

കൊല്ലം കരുനാഗപ്പള്ളി സ്റ്റേഷന്‍ പരിധിയില്‍ റെയില്‍ പാത അറ്റകുറ്റ പണികള്‍ നടക്കുന്നതിനാല്‍ ഇതുവഴിയുള്ള ട്രെയിന്‍ സര്‍വീസുകള്‍ക്ക് പുതുവര്‍ഷ ദിനത്തില്‍ നിയന്ത്രണം ഏര്‍പ്പെടുത്തുമെന്ന് കഴിഞ്ഞ ദിവസം റെയില്‍വേ അറിയിച്ചിരുന്നു.

ട്രാക്ക് നവീകരണത്തിന്റെ പേരില്‍ പുതുവര്‍ഷ ദിനത്തില്‍  ഏര്‍പ്പെടുത്തിയ തീവണ്ടി ഗതാഗത നിയന്ത്രണം റെയില്‍വേ പിന്‍വലിച്ചു

കൊച്ചി: ട്രാക്ക് നവീകരണത്തിന്റെ പേരില്‍ പുതുവല്‍സര ദിനത്തില്‍ സംസ്ഥാനത്ത് സര്‍വീസ് നടത്തുന്ന വിവിധ ട്രെയിനുകള്‍ക്ക് നിയന്ത്രണം ഏര്‍പ്പെടുത്തിയ നടപടി റെയില്‍വേ പിന്‍വലിച്ചു. കൊല്ലം കരുനാഗപ്പള്ളി സ്റ്റേഷന്‍ പരിധിയില്‍ റെയില്‍ പാത അറ്റകുറ്റ പണികള്‍ നടക്കുന്നതിനാല്‍ ഇതുവഴിയുള്ള ട്രെയിന്‍ സര്‍വീസുകള്‍ക്ക് പുതുവര്‍ഷ ദിനത്തില്‍ നിയന്ത്രണം ഏര്‍പ്പെടുത്തുമെന്ന് കഴിഞ്ഞ ദിവസം റെയില്‍വേ അറിയിച്ചിരുന്നു. പുതുവര്‍ഷാരംഭത്തില്‍ തന്നെ നിയന്ത്രണം ഏര്‍പ്പെടുത്താനുള്ള റെയില്‍വേയുടെ നീക്കത്തിനെതിരെ യാത്രക്കാരുടെ ഇടയില്‍ നിന്നും വ്യാപക പ്രതിഷേധം ഉയര്‍ന്നിരുന്നു. സാങ്കേതിക കാരണങ്ങളാലാണ് നിയന്ത്രണം പിന്‍വലിക്കുന്നതെന്നാണ് റെയില്‍വേയുടെ വിശദീകരണം.

നിയന്ത്രണം പിന്‍വലിച്ചതിനാല്‍ തിരുവനന്തപുരം-മധുരൈ അമൃത എക്‌സ്പ്രസ് (16343) തിരുവനന്തപുരം സെന്‍ട്രല്‍ സ്റ്റേഷനില്‍ നിന്ന് നിശ്ചിത സമയത്ത് (രാത്രി പത്തിന്) തന്നെ പുറപ്പെടും. രണ്ടു മണിക്കൂര്‍ വൈകി പുറപ്പെടുമെന്നുമായിരുന്നു നേരത്തെയുള്ള അറിയിപ്പ്. കൊല്ലം സ്റ്റേഷനില്‍ പത്തു മിനുറ്റ് അധിക നേരം നിര്‍ത്തിയിട്ടുള്ള നിയന്ത്രണവും നീക്കിയിട്ടുണ്ട്. ചെന്നൈ എഗ്മോര്‍ ഗുരുവായൂര്‍ എക്‌സ്പ്രസ് (16127), തിരുവനന്തപുരംഹസ്രത്ത് നിസാമുദ്ദീന്‍ വീക്ക്‌ലി എക്‌സ്പ്രസ് (22655), പാലക്കാട്തിരുനെല്‍വേലി പാലരുവി എക്‌സ്പ്രസ് (16792), മുംബൈതിരുവനന്തപുരം വീക്ക്‌ലി എക്‌സ്പ്രസ് (16331) എന്നീ ട്രെയിനുകള്‍ വിവിധ സ്റ്റേഷനുകളില്‍ മണിക്കൂറുകളോളം പിടിച്ചിടാനുള്ള നീക്കവും ഉപേക്ഷിച്ചു. ഈ ട്രെയിനുകളും സാധാരണ പോലെ സര്‍വീസ് നടത്തുമെന്ന് റെയില്‍വേ അറിയിച്ചു.


Next Story

RELATED STORIES

Share it