ജോയ്‌സ് ജോര്‍ജ് എംപി ഉള്‍പെട്ട ഭൂമി തട്ടിപ്പുകേസ്: വിചാരണനടപടികള്‍ തുടരാന്‍ ഹൈക്കോടതി നിര്‍ദേശം

കൊച്ചി: ജോയ്‌സ് ജോര്‍ജ് എംപിയും കുടുംബവും ഉള്‍പ്പെട്ട കൊട്ടക്കമ്പൂര്‍ ഭൂമി തട്ടിപ്പുകേസില്‍ വിചാരണ നടപടികള്‍ തുടരാന്‍ ഹൈക്കോടതി നിര്‍ദേശിച്ചു. വിചാരണ നടപടികള്‍ക്കുണ്ടായിരുന്ന താല്‍ക്കാലിക സ്‌റ്റേ കോടതി നീക്കി. കേസ് എഴുതിത്തള്ളണമെന്ന പോലിസിന്റെ റിപോര്‍ട്ടില്‍ ഉചിതമായ തീരുമാനമെടുക്കാന്‍ വിചാരണ കോടതിക്ക് നിര്‍ദേശമുണ്ട്.

കേസില്‍ സിബിഐ അന്വേഷണം ആവശ്യപ്പെട്ട് യൂത്ത് കോണ്‍ഗ്രസ് നേതാവ് എം മുകേഷും മറ്റും സമര്‍പ്പിച്ച ഹരജിയിലാണ് കോടതിയുടെ ഉത്തരവ്്. ജസ്റ്റിസ് പി ഉബൈദാണ് ഹരജി പരിഗണിച്ചത്.