തേങ്ങ തലയില്‍ വീണ് ചികില്‍സയിലായിരുന്ന പിഞ്ചുകുഞ്ഞ് മരിച്ചു

കണ്ണൂര്‍: തേങ്ങ തലയില്‍ വീണ് പരിക്കേറ്റ് ചികില്‍സയിലായിരുന്ന ഒരു വയസ്സുകാരന്‍ മരിച്ചു. ഇരിണാവ് ചുഴലി ഭഗവതി ക്ഷേത്രത്തിനു സമീപം നാരായണി നിലയത്തില്‍ പി ടി ഷിജു-മട്ടന്നൂര്‍ സ്വദേശി അനില ദമ്പതികളുടെ മകന്‍ അഥര്‍വാണ് മരിച്ചത്. തിങ്കളാഴ്ച അമ്മ കുഞ്ഞിനെയുമെടുത്ത് പുറത്തിറങ്ങിയപ്പോഴാണ് സമീപത്തെ തെങ്ങില്‍ നിന്നു കുട്ടിയുടെ തലയിലേക്ക് തേങ്ങ വീഴുകയായിരുന്നു. ഉടന്‍ പരിഹാരം മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. പരിയാരത്തു നിന്ന് മംഗളൂരുവിലെ സ്വകാര്യ ആശുപത്രിയിലേക്ക് കൊണ്ടുപോവുന്നതിനിടെയാണ് മരണപ്പെട്ടത്. ചിറക്കല്‍ കസ്തൂര്‍ബ പബ്ലിക് സ്‌കൂള്‍ രണ്ടാംതരം വിദ്യാര്‍ഥി ആദിദേവ് സഹോദരനാണ്.