അഫ്​ഗാനിലേക്കാൾ താലിബാനികൾ കേരളത്തിൽ: മുസ് ലിംവിരുദ്ധ പോസ്റ്റ് പങ്കുവച്ച് സുനിൽ പി ഇളയിടം

കോഴിക്കോട്: അഫ്​ഗാനിൽ താലിബാൻ ഭരണം പിടിച്ചെടുത്തതിന് പിന്നാലെ മുസ് ലിം വിരുദ്ധ പ്രചാരണങ്ങൾ കേരളത്തിൽ വർധിച്ചു വരികയാണ്. സംഘപരിവറിൽ നിന്നുയരുന്ന ഇത്തരം പ്രചാരണങ്ങൾ ഏറ്റെടുത്തിരിക്കുകയാണ് ഇടതുപക്ഷ ചിന്തകൻ സുനിൽ പി ഇളയിടം. അഫ്​ഗാനിലേക്കാൾ താലിബാനികൾ കേരളത്തിലുണ്ടെന്ന ഫേസ്ബുക്ക് പോസ്റ്റ് സുനിൽ പി ഇളയിടം പങ്കുവച്ചതാണ് ഇപ്പോൾ വിവാദത്തിനിടയാക്കിയത്.

"നാല് കോടിയോളമാണ് അഫ്​ഗാൻ ജനസംഖ്യ; മൂന്നരക്കോടിയാണ് മലയാളികൾ. അരലക്ഷത്തിൽ കൂടുതലാണ് താലിബൻ മതഭീകരർ. താലിബൻ ഫാൻസ്‌ അതിലും കൂടുതലില്ലേ കേരളത്തിൽ? സത്യായിട്ടും പേടിയാവുന്നുണ്ട്. നിറതോക്കിനൊപ്പം കാണേണ്ടതല്ല ഈ വിശുദ്ധഗ്രന്ഥം" എന്നാണ് പോസ്റ്റിൽ പറയുന്നത്.

താലിബാൻ അധികാരം പിടിച്ചെടുത്തതിന് പിന്നാലെ പ്രേം കുമാർ എന്നയാളെഴുതിയ പോസ്റ്റിൽ പങ്കുവച്ചതാകട്ടെ ഒരു കയ്യിൽ ഖുർആനും ഒരു കയ്യിൽ തോക്കുമായി നിൽക്കുന്ന ഹമാസ് പോരാളിയുടേതാണ്. സാമൂഹിക മാധ്യമങ്ങളിൽ വ്യാപക വിമർശനമാണ് ഇതിനെതിരേ ഉയർന്നിരിക്കുന്നത്.