നയപ്രഖ്യാപനം: ഗ​വ​ർ​ണ​റുടെ വി​യോ​ജി​പ്പ് ​സ​ഭാരേ​ഖ​ക​ളി​ൽ ഉ​ണ്ടാ​വി​ല്ലെ​ന്ന് സ്പീ​ക്ക​ർ

​തിരു​വ​ന​ന്ത​പു​രം: സർക്കാരിന്റെ ന​യ​പ്ര​ഖ്യാ​പ​ന പ്ര​സം​ഗ​ത്തി​നി​ടെ പൗ​ര​ത്വനി​യ​മ ഭേ​ദ​ഗ​തിക്കെതിരായ വിമർശനങ്ങളോട് ​ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ രേഖ​പ്പെ​ടു​ത്തി​യ വി​യോ​ജി​പ്പ് നി​യ​മ​സ​ഭാ രേ​ഖ​ക​ളി​ൽ ഉ​ണ്ടാ​കി​ല്ലെ​ന്ന് സ്പീ​ക്ക​ർ പി ​ശ്രീ​രാ​മ​കൃ​ഷ്ണ​ൻ. അ​തേ​സ​മ​യം, നി​യ​മ​സ​ഭ​യ്ക്കു​ള്ളി​ൽ ഗ​വ​ർ​ണ​റെ ത​ട​ഞ്ഞ പ്ര​തി​പ​ക്ഷ എം​എ​ൽ​എ​മാ​ർ​ക്കെ​തി​രെ അ​ച്ച​ട​ക്ക ന​ട​പ​ടി ഉ​ണ്ടാ​കി​ല്ലെ​ന്നും സ്പീ​ക്ക​ർ പ​റ​ഞ്ഞു.

ന​യ​പ്ര​ഖ്യാ​പ​ന പ്ര​സം​ഗ​ത്തി​ൽ ഉ​ള്ള​ത് മാ​ത്ര​മേ രേ​ഖ​യി​ൽ ഉ​ൾ​പ്പെ​ടു​ത്തു​ക​യു​ള്ളു​വെ​ന്നും സ്പീ​ക്ക​ർ മാ​ധ്യ​മ​ങ്ങ​ളോ​ട് പ​റ​ഞ്ഞു. ന​യ​പ്ര​ഖ്യാ​പ​ന​ത്തി​ൽ സ്വ​ന്തം എ​തി​ർ​പ്പു രേ​ഖ​പ്പെ​ടു​ത്തി​യ​തി​നു​ശേ​ഷ​മാ​ണ് പൗ​ര​ത്വ നി​യ​മ ഭേ​ദ​ഗ​തി​യേ​ക്കു​റി​ച്ചു​ള്ള വി​മ​ർ​ശ​ന​ങ്ങ​ൾ ഗ​വ​ർ​ണ​ർ നിയമസഭയിൽ വാ​യി​ച്ച​ത്. പ്ര​സം​ഗ​ത്തി​ലെ നി​ല​പാ​ടു​ക​ളോ​ടു വി​യോ​ജി​ക്കു​ന്നെ​ങ്കി​ലും മു​ഖ്യ​മ​ന്ത്രി​യു​ടെ അ​ഭ്യ​ർ​ഥ​ന പ്ര​കാ​രം വാ​യി​ക്കുകയാണ്​ എ​ന്നു പ​റ​ഞ്ഞ​തി​നു​ശേ​ഷ​മാ​യി​രു​ന്നു ഗ​വ​ർ​ണ​ർ ഈ ​ഭാ​ഗം വാ​യി​ച്ച​ത്.

ഗവർണറെ തടഞ്ഞ പ്രതിപക്ഷ അംഗങ്ങൾക്കെതിരേ ബ​ല​പ്ര​യോ​ഗം ന​ട​ത്താ​ൻ വാ​ച്ച് ആ​ൻ​ഡ് വാ​ർ​ഡി​നോ​ട് ആ​വ​ശ്യ​പ്പെ​ട്ടി​ട്ടി​ല്ല. വ​ഴി​യൊ​രു​ക്കാ​നാ​ണ് പ​റ​ഞ്ഞ​ത്. പ്ര​തി​പ​ക്ഷ​ത്തി​ന്‍റെ പ​രാ​തി പ​രി​ശോ​ധി​ക്കു​മെ​ന്നും സ്പീ​ക്ക​ർ കൂ​ട്ടി​ച്ചേ​ർ​ത്തു.

ന​യ​പ്ര​ഖ്യാ​പ​ന പ്ര​സം​ഗത്തിനായി നി​യ​മ​സ​ ഭാ ഹാളിലേക്ക് ​ എത്തി​യ​പ്പോ​ഴാ​ണ് ഗ​വ​ർ​ണ​റെ പ്ര​തി​പ​ക്ഷം ത​ട​ഞ്ഞ​ത്. പി​ന്നീ​ട് വാ​ച്ച് ആ​ൻ​ഡ് വാ​ർ​ഡ് പ്ര​തി​പ​ക്ഷ എം​എ​ൽ​എ​മാ​രെ ബ​ലം​പ്ര​യോ​ഗി​ച്ചു നീ​ക്കി ഗ​വ​ർ​ണ​റെ ഡ​യ​സി​ലേ​ക്ക് എ​ത്തി​ക്കു​ക​യാ​യി​രു​ന്നു. ഗ​വ​ർ​ണ​ർ പ്ര​സം​ഗം തു​ട​ങ്ങി​യ​പ്പോ​ൾ പ്ര​തി​പ​ക്ഷം സ​ഭ ബ​ഹി​ഷ്ക​രി​ക്കുകയായിരുന്നു.