മുതിര്ന്ന കോണ്ഗ്രസ് നേതാവ് യു കെ ഭാസി അന്തരിച്ചു
താനൂര് സ്വദേശിയായ യു കെ ഭാസി മുന് കെപിസിസി ജനറല് സെക്രട്ടറിയായിരുന്നു.
മലപ്പുറം: മുതിര്ന്ന കോണ്ഗ്രസ് നേതാവും മലപ്പുറം മുന് ഡിസിസി പ്രസിഡന്റുമായ യു കെ ഭാസി (75) അന്തരിച്ചു. ന്യുമോണിയ ബാധിച്ച് കോഴിക്കോട്ടെ സ്വകാര്യാശുപത്രിയില് ചികില്സയിലായിരുന്നു. ഇന്ന് രാവിലെയാണ് അന്ത്യം സംഭവിച്ചത്. സംസ്കാരം ഉച്ചയ്ക്കുശേഷം താനൂര് കട്ടിലങ്ങാടിയിലെ വീട്ടുവളപ്പില്. ജില്ലയില് കോണ്ഗ്രസിന്റെ വളര്ച്ചയില് പങ്ക് വഹിച്ച പ്രധാനികളില് ഒരാളാണ്. താനൂര് സ്വദേശിയായ യു കെ ഭാസി മുന് കെപിസിസി ജനറല് സെക്രട്ടറിയായിരുന്നു. കെഎസ്യുവിലൂടെയാണ് അദ്ദേഹം രാഷ്ട്രീയരംഗത്തെത്തിയത്.
കെഎസ്യു സംസ്ഥാ വൈസ് പ്രസിഡന്റ്, പാലക്കാട് ജില്ലാ പ്രസിഡന്റ്, യൂത്ത് കോണ്ഗ്രസ് പാലക്കാട് ജില്ലാ ജനറല് സെക്രട്ടറി, മലപ്പുറം ജില്ലാ പ്രസിഡന്റ്, കോണ്ഗ്രസ് ജില്ലാ ജനറല് സെക്രട്ടറി തുടങ്ങിയ സ്ഥാനങ്ങളും വഹിച്ചിട്ടുണ്ട്. തുടര്ന്ന് യൂത്ത് കോണ്ഗ്രസ് സംസ്ഥാന വൈസ് പ്രസിഡന്റായി. 22 വര്ഷം മലപ്പുറം ജില്ലാ കോണ്ഗ്രസ് കമ്മിറ്റി അധ്യക്ഷനായിരുന്നു. ഏറ്റവും കൂടുതല് കാലം ഡിസിസി പ്രസിഡന്റ് സ്ഥാനത്തിരുന്ന നേതാവെന്ന ഖ്യാതിയും അദ്ദേഹത്തിനുണ്ട്. 1981 മുതല് 2001 വരെയാണ് അദ്ദേഹം ജില്ലാ കോണ്ഗ്രസിന്റെ സാരഥിയായി പ്രവര്ത്തിച്ചത്.
2001 മുതല് 2013 വരെ 15 വര്ഷത്തോളം കെപിസിസി ജനറല് സെക്രട്ടറിയുമായി. താനൂര് നിയമസഭാ തിരഞ്ഞെടുപ്പില് മല്സരിച്ചിരുന്നെങ്കിലും പരാജയപ്പെട്ടു. താനൂര് സര്വീസ് സഹകരണബാങ്കിന്റെ പ്രസിഡന്റുമായിരുന്നു. താനൂര് ഗ്രാമപ്പഞ്ചായത്ത് അംഗമായിരുന്നിട്ടുണ്ട്. മകന് ഡോ. യു കെ അഭിലാഷ് യൂത്ത് കോണ്ഗ്രസ് സംസ്ഥാന ജനറല് സെക്രട്ടറിയാണ്. ഭാര്യ: ശശി പ്രഭ. മറ്റ് മക്കള്: ധന്യ, ഭവ്യ,
RELATED STORIES
കണ്ണൂരില് മാതാവും മകളും വീടിനുള്ളില് മരിച്ചനിലയില്
29 April 2024 10:31 AM GMTമുന് കേന്ദ്രമന്ത്രി ശ്രീനിവാസ പ്രസാദ് അന്തരിച്ചു
29 April 2024 10:09 AM GMTപ്രജ്വല് രേവണ്ണയുടെ അശ്ലീല വീഡിയോ; ബിജെപി നേതാക്കള് നേരത്തെ അറിഞ്ഞു; ...
29 April 2024 8:33 AM GMTചെന്നൈയിൽ മലയാളി ദമ്പതികളെ കഴുത്തറുത്ത് കൊലപ്പെടുത്തി; 100 പവൻ സ്വർണം...
29 April 2024 5:34 AM GMTയുഎസ് കാംപസുകളിലെ ഇസ്രായേല് വിരുദ്ധ പ്രക്ഷോഭം: ഹാര്വാഡില് ഫലസ്തീന് ...
29 April 2024 5:33 AM GMTലഹരിയില് നാട്ടുകാരെ ആക്രമിക്കുന്നതിനിടെ പരിക്കേറ്റ യുവാവ് മരിച്ചു
29 April 2024 5:18 AM GMT