റേഷന് സാധനങ്ങള് കൈപ്പറ്റുമ്പോള് ഉപഭോക്താക്കള് ബില്ല് ചോദിച്ചുവാങ്ങണം
റേഷന് കാര്ഡ് വിതരണ സമയത്ത് നല്കിയ മൊബൈല് നമ്പറുകള് മാറുകയോ നിലവില് ഉപയോഗിക്കാതിരിക്കുകയോ ചെയ്യുന്ന ഗുണഭോക്താക്കള് പുതിയ മൊബൈല് നമ്പര് റേഷന് കാര്ഡുമായി ബന്ധിപ്പിക്കണം.
മലപ്പുറം: റേഷന് കടകളില്നിന്ന് റേഷന് സാധനങ്ങള് വാങ്ങുമ്പോള് ഇ-പോസ് മെഷീനില്നിന്നും ലഭിക്കുന്ന ബില്ല് റേഷന് ഗുണഭോക്താക്കള് ചോദിച്ചുവാങ്ങണമെന്ന് ജില്ലാ സപ്ലൈ ഓഫിസര് കെ രാജീവ് അറിയിച്ചു. വാങ്ങിയ സാധനങ്ങളുടെ വിവരങ്ങളും ആ മാസത്തെ വിഹിതത്തില് വാങ്ങാന് ശേഷിക്കുന്ന സാധനങ്ങളുടെ വിവരങ്ങളും ബില്ലില് പ്രത്യേകം രേഖപ്പെടുത്തിയിട്ടുണ്ട്.
ബില്ലില് രേഖപ്പെടുത്തിയിരിക്കുന്ന റേഷന് സാധനങ്ങളുടെ അളവും വിലയും ശരിയാണോ എന്ന് നോക്കണം. ഓരോ റേഷന് കാര്ഡിനുമുള്ള പ്രതിമാസ വിഹിതം, വാങ്ങിയതുസംബന്ധിച്ച വിവരങ്ങള് എന്നിവ റേഷന് കാര്ഡുമായി ബന്ധിപ്പിച്ചിട്ടുള്ള ഫോണില് എസ്എംഎസ് ആയി ലഭിക്കും. പരാതികള് അറിയിക്കുന്നതിനായി താലൂക്ക് സപ്ലൈ ഓഫിസര്, റേഷനിങ് ഇന്സ്പെക്ടര് എന്നിവരുടെ മൊബൈല് നമ്പറുകള് ബില്ലില് ഉള്പ്പെടുത്തിയിട്ടുണ്ട്.
റേഷന് കാര്ഡ് വിതരണ സമയത്ത് നല്കിയ മൊബൈല് നമ്പറുകള് മാറുകയോ നിലവില് ഉപയോഗിക്കാതിരിക്കുകയോ ചെയ്യുന്ന ഗുണഭോക്താക്കള് പുതിയ മൊബൈല് നമ്പര് റേഷന് കാര്ഡുമായി ബന്ധിപ്പിക്കണം. അക്ഷയ കേന്ദ്രങ്ങളിലൂടെയോ www.civilsupplieskerala.gov.in എന്ന വെബ്സൈറ്റിലെ സിറ്റിസെന് ലോഗിന് വഴിയോ റേഷന് കടകളില് നിന്ന് ഇ-പോസ് മെഷിന് മുഖേനയോ പുതിയ മൊബൈല് നമ്പര് റേഷന് കാര്ഡുമായി ബന്ധിപ്പിക്കാവുന്നതാണ്.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT