സ്റ്റേഷനിലെ ഓണാഘോഷം കഴിഞ്ഞ് വീട്ടിലെത്തിയ പോലിസുകാരന്‍ കുഴഞ്ഞുവീണ് മരിച്ചു

കോട്ടയം: രാവിലെ സ്റ്റേഷനിലെത്തി ഓണാഘോഷ പരിപാടിയില്‍ പങ്കെടുത്ത പോലിസ് ഉദ്യോഗസ്ഥന്‍ വീട്ടിലെത്തിയതിന് പിന്നാലെ കുഴഞ്ഞുവീണ് മരിച്ചു. കോട്ടയം ഈസ്റ്റ് സ്റ്റേഷനിലെ സിവില്‍ പോലിസ് ഓഫീസറായ പുതുശ്ശേരിച്ചിറ സതീഷ് ചന്ദ്രനാണ് (42) മരിച്ചത്. രാവിലെ സ്റ്റേഷനിലെ പരിപാടിയില്‍ സജീവമായി പങ്കെടുക്കുകയും പാട്ടുപാടുകയും ചെയ്ത ശേഷം വീട്ടില്‍ പോയ സതീഷ് ചന്ദ്രന്‍ രാത്രി പത്തുമണിയോടെ കുഴഞ്ഞുവീഴുകയായിരുന്നു. തുടര്‍ന്ന് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.