യൂത്ത് കോണ്ഗ്രസ് നേതാവിനെ മര്ദിച്ച ഡിസിസി സെക്രട്ടറിക്കെതിരെ നടപടിയെടുക്കാതെ പോലിസ്(വീഡിയോ)
ബാറ്റ് കൊണ്ട് തലയ്ക്കടിച്ചു വീഴ്ത്തുകയും കാലു കൊണ്ട് തുടര്ച്ചയായി ചവിട്ടുകയും ചെയ്യുന്നതിന്റെ ദൃശ്യങ്ങള് പുറത്തുവന്നു. മര്ദനമേറ്റ ജയന് ഗുരുതര പരിക്കുകളോടെ മെഡിക്കല് കോളജ് ആശുപത്രിയില് ചികിത്സയിലാണ്.
തിരുവനന്തപുരം: മാരായമുട്ടത്ത് യൂത്ത് കോണ്ഗ്രസ് മണ്ഡലം പ്രസിഡന്റിനെ മര്ദിച്ച ഡിസിസി സെക്രട്ടറിക്കെതിരെ നടപടിയില്ലെന്ന് പരാതി. യൂത്ത് കോണ്ഗ്രസ് പെരുങ്കടവിള മണ്ഡലം പ്രസിഡന്റ് മാരായമുട്ടം ജയനെ ഡിസിസി ജനറല് സെക്രട്ടറി മാരായമുട്ടം സുരേഷും സുഹൃത്തും ചേര്ന്നാണ് ക്രൂരമായി മര്ദിച്ചത്.
ബാറ്റ് കൊണ്ട് തലയ്ക്കടിച്ചു വീഴ്ത്തുകയും കാലു കൊണ്ട് തുടര്ച്ചയായി ചവിട്ടുകയും ചെയ്യുന്നതിന്റെ ദൃശ്യങ്ങള് പുറത്തുവന്നു. മര്ദനമേറ്റ ജയന് ഗുരുതര പരിക്കുകളോടെ മെഡിക്കല് കോളജ് ആശുപത്രിയില് ചികിത്സയിലാണ്. ജയനെ മര്ദിക്കുന്ന സിസിടിവി ദൃശ്യങ്ങള് പുറത്ത് വന്നിട്ടും പോലിസ് പ്രതികളെ അറസ്റ്റ് ചെയ്യുന്നില്ലെന്നാണ് പരാതി. സുരേഷിന്റെ ബന്ധുവിനെതിരെ പരാതി നല്കിയതിനെ തുടര്ന്നുണ്ടായ മുന്വൈരാഗ്യമാണ് ആക്രമണത്തിന് പിന്നില് എന്നാണ് വിശദീകരണം.സുരേഷിന്റെ സഹോദരന് ബാങ്ക് പ്രസിഡന്റായിരുന്ന മുന് ഭരണസമിതിക്ക് നേരെ ഉയര്ന്ന അഴിമതി ആരോപണങ്ങളെ കുറിച്ച് ജയന് വിജിലന്സില് പരാതി നല്കിയിരുന്നു. ഇതാണ് പ്രകോപനത്തിന് കാരണം.
തിങ്കളാഴ്ച വൈകീട്ട് നാലരയോടെയാണ് സംഭവം നടക്കുന്നത്. മാരായമുട്ടം സഹകരണ ബാങ്കിലെത്തിയ ജയനെ ബൈക്കിലെത്തിയ സുരേഷും സുഹൃത്തും ചേര്ന്ന് ബാറ്റ് ഉപയോഗിച്ച് അടിച്ച് വീഴ്ത്തുകയായിരുന്നു. രാഷ്ട്രീയ സ്വാധീനം കാരണം പോലിസ് പ്രതികളെ അറസ്റ്റ് ചെയ്യുന്നില്ലെന്ന് മര്ദനമേറ്റ ജയന്റെ ബന്ധുക്കള് ആരോപിച്ചു. ഡിസിസി ജനറല് സെക്രട്ടറി സുരേഷ് ഒളിവിലാണെന്നാണ് പോലിസ് പറയുന്നത്.
അതേസമയം, ജയനെ മര്ദ്ദിച്ച സംഭവത്തില് ഡിസിസി ജനറല് സെക്രട്ടറി മാരായമുട്ടം സുരേഷിനെ പാര്ട്ടിയില് നിന്നും അന്വേഷണവിധേയമായി സസ്പെന്ഡ് ചെയ്തതായി കെപിസിസി പ്രസിഡന്റ് മുല്ലപ്പള്ളി രാമചന്ദ്രന് അറിയിച്ചു. സംഭവത്തെക്കുറിച്ച് അന്വേഷിച്ച് റിപ്പോര്ട്ട് സമര്പ്പിക്കാന് കെപിസിസി ജനറല് സെക്രട്ടറി അഡ്വ.എ ഷാനവാസ് ഖാനെ ചുമതലപ്പെടുത്തി.
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT