പെരിയ ഇരട്ടക്കൊല: സാന്ത്വനവുമായി എസ്ഡിപിഐ നേതാക്കളെത്തി

പെരിയ: കഴിഞ്ഞ ദിവസം കൊല്ലപ്പെട്ട യൂത്ത്‌കോണ്‍ഗ്രസ് പ്രവര്‍ത്തകരായ കൃപേഷിന്റെയും ശരത്‌ലാലിന്റെയും വീടുകള്‍ എസ്ഡിപിഐ നേതാക്കള്‍ സന്ദര്‍ശിച്ചു. എസ്ഡിപിഐ കാസര്‍കോഡ് ജില്ലാ സെക്രട്ടറി ഷരീഫ് പടന്ന, ഖജാഞ്ചി ഡോ. സി ടി സുലൈമാന്‍ എന്നിവരുടെ നേതൃത്വത്തിലെത്തിയ സംഘം പെരിയ കല്യോട്ടെ ഇരുവരുടെയും വീടുകളിലെത്തി കുടുംബാംഗങ്ങളെ ആശ്വസിപ്പിച്ചു. എം വി ഷൗക്കത്തലി, മഹ്മൂദ് മാവിലാടം, സമദ് പാറപ്പള്ളി, എന്‍ പി അബ്ദുല്‍ ഖാദര്‍, അബ്ദുര്‍ റഹ്മാന്‍ മൗലവി, കെ വി പി സാബിര്‍ തുടങ്ങിയവര്‍ സംഘത്തോടൊപ്പമുണ്ടായിരുന്നു.