പേരാമ്പ്ര മസ്ജിദ് ആക്രമണം: സര്ക്കാര് കലാപത്തിന് കൂട്ടുനില്ക്കുന്നു; ചെന്നിത്തല മുഖ്യമന്ത്രിക്ക് കത്ത് നല്കി
കഴിഞ്ഞ ദിവസം പേരാമ്പ്ര സന്ദര്ശിച്ച ശേഷമാണ് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്കിയത്. പേരാമ്പ്രയിലെ സര്ക്കാര് നീക്കം ഞെട്ടിക്കുന്നതും നിയമവാഴ്ചയെ തകര്ക്കുന്നതുമാണ്. പേരാമ്പ്ര മസ്ജിദിന് നേരെ കല്ലെറിഞ്ഞത് നാട്ടില് മതസ്പര്ധ സൃഷ്ടിച്ച് കലാപം സൃഷ്ടിക്കുന്നതിനുള്ള ബോധപൂര്വമായ ഉദ്ദേശത്തോടെയായിരുന്നെന്നാണ് എഫ്ഐആറില് രേഖപ്പെടുത്തിയിരുന്നത്. അതിന്റെ പേരിലാണ് സിപിഎം ബ്രാഞ്ച് സെക്രട്ടറിയെ അറസ്റ്റുചെയ്യുകയും മറ്റ് എട്ട് സിപിഎം പ്രവര്ത്തകര്ക്കെതിരേ കേസെടുക്കുകയും ചെയ്തത്.
തിരുവനന്തപുരം: പേരാമ്പ്ര ജുമാ മസ്ജിദിന് നേരെ കല്ലെറിഞ്ഞ കേസിലെ പ്രതികളായ സിപിഎമ്മുകാരെ എഫ്ഐആര് തിരുത്തി രക്ഷിക്കാന് ശ്രമിക്കുന്നതിലൂടെ സര്ക്കാര് നാട്ടില് കലാപത്തിന് ബോധപൂര്വം ഒത്താശ ചെയ്തുകൊടുക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല മുഖ്യമന്ത്രി പിണറായി വിജയന് അയച്ച കത്തില് ആരോപിച്ചു. സംഭവത്തില് പ്രതിഷേധിച്ച് പ്രകടനം നടത്തിയ യൂത്ത് കോണ്ഗ്രസ്- യൂത്ത് ലീഗ് പ്രവര്ത്തകരെ ജാമ്യമില്ലാത്ത വകുപ്പുകള് ചേര്ത്ത് അറസ്റ്റുചെയ്ത് ജയിലിലടയ്ക്കുകയും ചെയ്തിരിക്കുകയാണ്.
കഴിഞ്ഞ ദിവസം പേരാമ്പ്ര സന്ദര്ശിച്ച ശേഷമാണ് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്കിയത്. പേരാമ്പ്രയിലെ സര്ക്കാര് നീക്കം ഞെട്ടിക്കുന്നതും നിയമവാഴ്ചയെ തകര്ക്കുന്നതുമാണ്. പേരാമ്പ്ര മസ്ജിദിന് നേരെ കല്ലെറിഞ്ഞത് നാട്ടില് മതസ്പര്ധ സൃഷ്ടിച്ച് കലാപം സൃഷ്ടിക്കുന്നതിനുള്ള ബോധപൂര്വമായ ഉദ്ദേശത്തോടെയായിരുന്നെന്നാണ് എഫ്ഐആറില് രേഖപ്പെടുത്തിയിരുന്നത്. അതിന്റെ പേരിലാണ് സിപിഎം ബ്രാഞ്ച് സെക്രട്ടറിയെ അറസ്റ്റുചെയ്യുകയും മറ്റ് എട്ട് സിപിഎം പ്രവര്ത്തകര്ക്കെതിരേ കേസെടുക്കുകയും ചെയ്തത്.
എന്നാല്, പോലിസ് നിക്ഷ്പക്ഷമായ നടപടി സ്വീകരിച്ചതിനെതിരേ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും മന്ത്രി ഇ പി ജയരാജനും രംഗത്തെത്തി. സിപിഎം കോഴിക്കോട് ജില്ലാ സെക്രട്ടേറിയറ്റും പ്രതിഷേധിച്ചു. തുടര്ന്നാണ് എഫ്ഐആറില് മാറ്റം വരുത്തിയതും ബ്രാഞ്ച് സെക്രട്ടറിക്ക് ജാമ്യം കിട്ടിയതും. തങ്ങളുടെ പാര്ട്ടി പ്രവര്ത്തകരെ രക്ഷിക്കാന് എഫ്.ഐ.ആറില് മാറ്റം വരുത്തുന്നത് നഗ്നമായ അധികാരദുര്വിനിയോഗമാണ്. ഈ നീക്കം സര്ക്കാര് ഉപേക്ഷിക്കണമെന്നും യൂത്ത് ലീഗ്, യൂത്ത് കോണ്ഗ്രസ് പ്രവര്ത്തകര്ക്കെതിരേ എടുത്ത കേസ് പിന്വലിക്കണമെന്നും ചെന്നിത്തല കത്തില് ആവശ്യപ്പെട്ടു.
RELATED STORIES
വധശിക്ഷക്ക് വിധിക്കപ്പെട്ട് യെമനിലെ ജയിലില് കഴിയുന്ന മകള് നിമിഷ...
25 April 2024 6:07 AM GMT'10 വര്ഷമായി ഐസിയുവില്, ഏപ്രില് 21ന് അന്തരിച്ചു'; ഇലക്ഷന് കമ്മീഷന് ...
25 April 2024 6:04 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMTലോക്സഭാ തിരഞ്ഞെടുപ്പില് കേരളം നാളെ വിധിയെഴുതും;ഇന്ന് നിശബ്ദ പ്രചാരണം
25 April 2024 5:21 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMT