സര്ക്കാരിന്റെ ആത്മാര്ത്ഥത ചോദ്യം ചെയ്യപ്പെടും: ഉമ്മന് ചാണ്ടി
ഗവര്ണറെ തിരിച്ചുവിളിക്കണം എന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല നിയമസഭയില് അവതരിപ്പിക്കുന്ന പ്രമേയത്തെ എതിര്ക്കാനാണ് സര്ക്കാരിന്റെ തീരുമാനമെങ്കില് അത് അങ്ങേയറ്റം നിര്ഭാഗ്യകരമാണ്.
തിരുവനന്തപുരം: ഗവര്ണറെ തിരിച്ചുവിളിക്കണം എന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല നിയമസഭയില് അവതരിപ്പിക്കുന്ന പ്രമേയത്തെ എതിര്ക്കാനാണ് സര്ക്കാരിന്റെ തീരുമാനമെങ്കില് അത് അങ്ങേയറ്റം നിര്ഭാഗ്യകരമെന്നു കോണ്ഗ്രസ് പ്രവര്ത്തക സമിതിയംഗം ഉമ്മന് ചാണ്ടി.
എല്ലാ എംഎല്എമാരും ചേര്ന്ന് നിയമസഭയില് പാസാക്കിയ പ്രമേയത്തെ ഗവര്ണര് ആക്ഷേപിച്ചശേഷം അതില് ഇതുവരെ ഖേദം പ്രകടിപ്പിക്കുകയോ, പിന്വലിക്കുകയോ ചെയ്തിട്ടില്ല. രാജാവിനെക്കാള് വലിയ രാജഭക്തിയാണ് ഗവര്ണര്ക്ക്. പ്രധാനമന്ത്രി നരേന്ദ്രമോദിയെയും ആഭ്യന്തരമന്ത്രി അമിത് ഷായെയും പ്രീതിപ്പെടുത്താന് അദ്ദേഹം ഗവര്ണര് പദവിയുടെ അന്തസ് കളഞ്ഞുകുളിച്ച് ഓടിനടന്നാണ് നിയമസഭ പാസാക്കിയ പ്രമേയത്തിനെതിരേ പ്രചാരണം നടത്തുന്നത്. അതുകൊണ്ട് ഒരു കാരണവശാലും ഗവര്ണറുമായി സഹകരിക്കാന് കഴിയില്ലെന്ന് ഉമ്മന് ചാണ്ടി അറിയിച്ചു.
ഗവര്ണര്റെ തിരിച്ചുവിളിക്കണം എന്നാവശ്യപ്പെട്ട് യഥാര്ത്ഥത്തില് മുഖ്യമന്ത്രിയാണ് പ്രമേയം അവതരിപ്പിക്കേണ്ടിയിരുന്നത്. അദ്ദേഹം അതിനു തയാറാകാത്തതുകൊണ്ടാണ് പ്രതിപക്ഷ നേതാവ് പ്രമേയത്തിനു മുൻകൈയെടുത്തത്. പ്രമേയം തോല്പ്പിക്കാനാണ് സര്ക്കാര് തീരുമാനമെങ്കില് അതോടെ സര്ക്കാരിന്റെ ആത്മാര്ത്ഥത ചോദ്യം ചെയ്യപ്പെടുമെന്നും ഉമ്മന് ചാണ്ടി ചൂണ്ടിക്കാട്ടി.
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT