രാത്രികാല കര്‍ഫ്യൂ: സമയം പുനക്രമീകരിക്കണമെന്ന് കെഎംവൈഎഫ്

തിരുവനന്തപുരം: കോവിഡ് വ്യാപനവുമായി ബന്ധപ്പെട്ട് സംസ്ഥാനത്ത് ഏര്‍പ്പെടുത്തിയിട്ടുള്ള രാത്രികാല കര്‍ഫ്യൂ ഇസ്‌ലാമിക വിശ്വാസികളുടെ രാത്രികാല റമദാന്‍ ആരാധനാക്രമങ്ങളെ ബാധിക്കാത്ത വിധം പുനഃക്രമീകരിക്കണമെന്ന് കെഎംവൈഎഫ് സംസ്ഥാന പ്രസിഡന്റ് ഇലവുപാലം ശംസുദ്ദീന്‍ മന്നാനിയും ജനറല്‍ സെക്രട്ടറി കാരാളി ഇ കെ സുലൈമാന്‍ ദാരിമിയും ആവശ്യപ്പെട്ടു.

ആരോഗ്യവകുപ്പ് മുന്നോട്ടുവച്ചിട്ടുള്ള മുഴുവന്‍ മാനദണ്ഡങ്ങളും പാലിച്ചാണ് പള്ളികളില്‍ ആരാധനകള്‍ നടക്കുന്നത്. രോഗബാധക്കെതിരെ ശക്തമായ മുന്‍കരുതലുകള്‍ സ്വീകരിച്ച പള്ളികളുടെ മാതൃകാപരമായ സമീപനം പരിഗണിച്ച് രാത്രികാല കര്‍ഫ്യൂ സമയം രാത്രി 10 മുതല്‍ 5 വരെ എന്ന് പുനഃക്രമീകരിക്കണമെന്ന് നേതാക്കള്‍ ആവശ്യപ്പെട്ടു