പോലിസിൽ വീണ്ടും ക്രമക്കേട്; ചീഫ് സെക്രട്ടറി ഉപയോഗിക്കുന്നത് ഡിജിപിയുടെ പേരിലുള്ള ആഡംബര വാഹനം
പോലിസ് വകുപ്പിനെതിരായ സിഎജി റിപ്പോർട്ടിന്മേൽ ഡിജിപി ലോക്നാഥ് ബെഹ്റ ഗവർണർ ആരിഫ് മുഹമ്മദ് ഖാന് വിശദീകരണം നൽകി. മുഖ്യമന്ത്രിയുടെ പോലിസ് ഉപദേഷ്ടാവ് രമൺ ശ്രീവാസ്തവയ്ക്ക് ഒപ്പമെത്തിയാണ് ഡിജിപി ഗവർണർക്ക് വിശദീകരണം നൽകിയത്.
തിരുവനന്തപുരം: പോലിസിലെ അഴിമതിയും ധൂർത്തും തുറന്നുകാട്ടിയ സിഎജി റിപ്പോര്ട്ടിനു പിന്നാലെ പോലിസിലെ കൂടുതല് ക്രമക്കേടുകൾ പുറത്ത്. ഡിജിപിയുടെ പേരിലുള്ള ആഡംബര വാഹനമാണ് ചീഫ് സെക്രട്ടറി ടോം ജോസ് ഉപയോഗിക്കുന്നതെന്നാണ് പുതിയ റിപ്പോര്ട്ട്. ചട്ടപ്രകാരം ടൂറിസം വകുപ്പിന്റെ വാഹനം മാത്രമാണ് ചീഫ് സെക്രട്ടറിക്ക് ഉപയോഗിക്കാന് സാധിക്കുക.
KL-1 CL 9663 എന്ന വാഹനം ഡിജിപിയുടെ പേരിലാണെന്ന് മോട്ടോര് വാഹന വകുപ്പിന്റെ രേഖകൾ പറയുന്നു. അതേസമയം, സംഭവത്തേക്കുറിച്ച് ഡിജിപിയോ ചീഫ് സെക്രട്ടറിയോ പ്രതികരിച്ചിട്ടില്ല.
പോലിസ് നവീകരണ ഫണ്ട് ഉപയോഗിച്ചാണ് ഈ വാഹനം വാങ്ങിയതെന്നാണ് ആരോപണം. അടുത്തിടെയാണ് ജീപ് കോംപസ് എന്ന വാഹനം ചീഫ് സെക്രട്ടറി ഉപയോഗിക്കാന് തുടങ്ങിയത്. 15 ലക്ഷത്തിലേറെ വിലയുള്ള ഈ വാഹനം 2019-ലാണ് രജിസ്റ്റര് ചെയ്തിരിക്കുന്നത്.
അതേസമയം, പോലിസ് വകുപ്പിനെതിരായ സിഎജി റിപ്പോർട്ടിന്മേൽ ഡിജിപി ലോക്നാഥ് ബെഹ്റ ഗവർണർ ആരിഫ് മുഹമ്മദ് ഖാന് വിശദീകരണം നൽകി. മുഖ്യമന്ത്രിയുടെ പോലിസ് ഉപദേഷ്ടാവ് രമൺ ശ്രീവാസ്തവയ്ക്ക് ഒപ്പമെത്തിയാണ് ഡിജിപി ഗവർണർക്ക് വിശദീകരണം നൽകിയത്.
പോലിസ് മേധാവി ഉൾപ്പടെയുള്ളവരെ പ്രതി സ്ഥാനത്തു നിർത്തിയ റിപ്പോർട്ട് പുറത്തു വന്നതിനു പിന്നാലെ വിഷയത്തിൽ ഗവർണർ ഡിജിപിയോട് വിശദീകരണം തേടിയിരുന്നു. ഡിജിപി ലോക്നാഥ് ബെഹ്റ ഗുരുതര സാമ്പത്തിക തിരിമറി നടത്തിയെന്നായിരുന്നു നിയമസഭയുടെ മേശപ്പുറത്തുവച്ച റിപ്പോർട്ടിൽ സിഎജിയുടെ കണ്ടെത്തൽ. വിവിധ ആവശ്യങ്ങൾക്കുള്ള തുക ഡിജിപി ഇടപെട്ട് വകമാറ്റി ചിലവഴിച്ചുവെന്നാണ് റിപ്പോർട്ടിൽ പറഞ്ഞിട്ടുള്ളത്.
പോലിസുകാർക്ക് ക്വാർട്ടേഴ്സ് നിർമിക്കാനുള്ള തുക വകമാറ്റി എസ്പിമാർക്കും എഡിജിപിമാർക്കും ആഡംബര ഫ്ലാറ്റുകൾ നിർമിക്കാൻ നൽകിയെന്ന ഗുരുതര കണ്ടെത്തലും സിഎജി റിപ്പോർട്ടിലുണ്ട്. ഉന്നത ഉദ്യോഗസ്ഥർക്ക് ആഡംബര ഫ്ലാറ്റുകൾ പണിയാൻ 2.81 കോടി രൂപയാണ് ഇത്തരത്തിൽ വകമാറ്റി ചില വഴിച്ചതായി കണ്ടെത്തിയത്.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT