ദേശീയ പാത വികസനം: കപ്പേളകളോ ചെറിയ ആരാധനാലയങ്ങളോ മാറ്റി സ്ഥാപിക്കാന് തയ്യാറെന്ന് കര്ദിനാള് മാര് ജോര്ജ്ജ് ആലഞ്ചേരി
ചരിത്ര പ്രാധാന്യമുള്ളവയും കൂടുതല് വിശ്വാസികള് പ്രയോജനപ്പെടുത്തുതുമായ ആരാധനാലയങ്ങളുടെ നിലനില്പ്പിനെ ബാധിക്കാത്ത രീതിയില് വിവേകത്തോടെ വികസനപദ്ധതികള് ആസൂത്രണം ചെയ്യാന് സര്ക്കാര് ശ്രദ്ധിക്കേണ്ടതുമുണ്ട്
കൊച്ചി: ദേശീയപാതയുടെ വികസനത്തില് മാത്രമല്ല, നാടിന്റെ വര്ധിച്ചുവരുന്ന ഗതാഗത ആവശ്യങ്ങള്ക്കു വേണ്ടിയാണെങ്കിലും കുരിശടികളോ കപ്പേളകളോ ചെറിയ ആരാധനാലയങ്ങളോ മാറ്റി സ്ഥാപിക്കേണ്ടിവന്നാല് എല്ലാ ക്രൈസ്തവസഭാവിഭാഗങ്ങളും അതിനു തയ്യാറാകണമെന്ന് കെസിബിസി പ്രസിഡന്റും സീറോമലബാര്സഭയുടെ മേജര് ആര്ച്ച്ബിഷപ്പുമായ കര്ദിനാള് മാര് ജോര്ജ് ആലഞ്ചേരി.
കേരളഹൈക്കോടതി പുറപ്പെടുവിച്ച വിധിന്യായത്തോടു പ്രതികരിക്കുകയായിരുന്നു അദ്ദേഹം.ചരിത്ര പ്രാധാന്യമുള്ളവയും കൂടുതല് വിശ്വാസികള് പ്രയോജനപ്പെടുത്തുന്നതുമായ ആരാധനാലയങ്ങളുടെ നിലനില്പ്പിനെ ബാധിക്കാത്ത രീതിയില് വിവേകത്തോടെ വികസനപദ്ധതികള് ആസൂത്രണം ചെയ്യാന് സര്ക്കാര് ശ്രദ്ധിക്കേണ്ടതുമുണ്ട്. ആരാധനാലയങ്ങള് മാറ്റി സ്ഥാപിക്കുകയോ പുനര്നിര്മ്മിക്കുകയോ ചെയ്യേണ്ടിവരുന്ന സാഹചര്യങ്ങളില് 2013-ലെ ഭൂമി ഏറ്റെടുക്കല് നഷ്ടപരിഹാര പുനരധിവാസനിയമം കൃത്യമായും സമയബന്ധിതമായും നടപ്പിലാക്കുവാന് ബന്ധപ്പെട്ട സര്ക്കാര് സംവിധാനങ്ങള് ശ്രദ്ധിക്കണമെന്നും മാര് ജോര്ജ് ആലഞ്ചേരി ആവശ്യപ്പെട്ടു.
സ്വകാര്യവ്യക്തികളുടെ ഭൂമി ഏറ്റെടുക്കുമ്പോഴും ന്യായമായ നഷ്ടപരിഹാരം നല്കാന് സര്ക്കാര് തയ്യാറാകണം.പൊതുനന്മ ലക്ഷ്യമാക്കി പ്രവര്ത്തിക്കാന് എല്ലാവരും പ്രതിബദ്ധത കാണിക്കണമെന്നും മാര് ജോര്ജ് ആലഞ്ചേരി വ്യക്തമാക്കി.
RELATED STORIES
അമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഹേമന്ത് സോറന്റെ അറസ്റ്റ്; എന്ഫോഴ്സ്മെന്റ് ഡയറക്ടറേറ്റിന്...
29 April 2024 12:56 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTആരാധനാലയങ്ങളുടെ പേരില് വോട്ട് തേടി; മോദിയെ അയോഗ്യനാക്കണമെന്ന ഹരജി...
29 April 2024 12:23 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMTമുന് കേന്ദ്രമന്ത്രി ശ്രീനിവാസ പ്രസാദ് അന്തരിച്ചു
29 April 2024 10:09 AM GMT