സൗദിയില്‍ വാഹനാപകടത്തില്‍ പരിക്കേറ്റ മലയാളി മരിച്ചു

തൃശൂര്‍: സൗദി അറേബ്യയിലുണ്ടായ വാഹനാപകടത്തില്‍ പരിക്കേറ്റ് ചികില്‍സയിലായിരുന്ന മേലഡൂര്‍ കാരേക്കാട്ട് ആന്റണിയുടെ മകന്‍ സിജോ(34) മരിച്ചു. ഒരു മാസം മുമ്പാണ് വാഹനാപകടത്തില്‍ ഗുരുതരമായി പരിക്കേറ്റത്. തുടര്‍ന്ന് ആശുപത്രിയില്‍ ചികിത്സയിലിരിക്കേ കഴിഞ്ഞ ദിവസമാണ് മരിച്ചത്. ഇന്ന് രാവിലെ നാട്ടിലെത്തിക്കുന്ന മൃതദേഹം ഉച്ചക്ക് ശേഷം 3.30 ന് മേലഡൂര്‍ ഉണ്ണിമിശിഹ ദേവാലയത്തില്‍ സംസ്‌കാരിക്കും. ഭാര്യ: സിസ്മി. ഏകമകന്‍ ഏഥന്‍(നാല്). മാതാവ്: ത്രേസ്യാമ്മ. സഹോദരന്‍: ഷിന്റോ.