കെഎസ്ആർടിസിയിൽ വിദ്യാർഥി കൺസെഷൻ തുടരും; അപേക്ഷകൾ തീർപ്പാക്കാൻ നിർദേശം
കെഎസ്ആർടിസി ഡിപ്പോകളിലും ചീഫ് ഓഫീസിലും തീർപ്പാകാതെ കിടക്കുന്ന എല്ലാ കൺസഷൻ അപേക്ഷകളും തീർപ്പാക്കണമെന്ന് ഗതാഗത മന്ത്രി ഗതാഗത വകുപ്പ് പ്രിൻസിപ്പൽ സെക്രട്ടറിക്ക് നിർദേശം നൽകി.
തിരുവനന്തപുരം: വിദ്യാർഥികളുടെ കൺസെഷൻ തുടരുമെന്ന് കെഎസ്ആർടിസി. പുതുതായി കൺസെഷൻ അനുവദിക്കില്ലെന്ന തീരുമാനം പിൻവലിച്ചു. കാംപസ് ഫ്രണ്ട്, കെഎസ്യു വിദ്യാർഥി സംഘടനകളുടെ പ്രതിഷേധത്തെ തുടർന്നാണ് തീരുമാനം.
മൂന്ന് മാസത്തോളമായി വിദ്യാര്ഥികൾക്ക് കണ്സെഷന് കെഎസ്ആർടിസി അനുവദിച്ചിരുന്നില്ല. കണ്സഷനുള്ള ആറായിരത്തോളം അപേക്ഷകള് കെട്ടിടക്കുകയാണ്. ഇതിനെതിരെ ശക്തമായ പ്രതിഷേധം ഉയർന്നിരുന്നു.
ഇതിനെതിരേ കാംപസ് ഫ്രണ്ടും കെഎസ്യുവും പ്രതിഷേധം നടത്തിയിരുന്നു. ഇന്നലെ കെഎസ്ആർടിസി എംഡിയുടെ ഓഫീസ് ഉപരോധിച്ച കാംപസ് ഫ്രണ്ട് പ്രവർത്തകരെ അറസ്റ്റ് ചെയ്ത് നീക്കുകയായിരുന്നു.
അതേസമയം, കെഎസ്ആർടിസി ഡിപ്പോകളിലും ചീഫ് ഓഫീസിലും തീർപ്പാകാതെ കിടക്കുന്ന എല്ലാ കൺസഷൻ അപേക്ഷകളും തീർപ്പാക്കണമെന്ന് ഗതാഗത മന്ത്രി ഗതാഗത വകുപ്പ് പ്രിൻസിപ്പൽ സെക്രട്ടറിക്ക് നിർദേശം നൽകി. രണ്ടു ദിവസത്തിനകം അപേക്ഷകളിൽ തീർപ്പുകൽപ്പിക്കാൻ കെഎസ്ആർടിസിക്ക് നിർദേശം നൽകണം. ഈ നിർദേശം നടപ്പാക്കി രണ്ടു ദിവസത്തിനകം സർക്കാരിന് റിപ്പോർട്ട് സമർപ്പിക്കണമെന്നും മന്ത്രി നിർദ്ദേശിച്ചു. വിദ്യാർഥികൾക്ക് കൺസഷൻ നിഷേധിക്കുന്നതായി നിരവധി പരാതിയുണ്ട്. അംഗീകൃത വിദ്യാഭ്യാസ സ്ഥാപനങ്ങളിൽ പഠിക്കുന്ന എല്ലാ വിദ്യാർഥികൾക്കും കൺസഷന് അർഹതയുണ്ടെന്നും മന്ത്രി വ്യക്തമാക്കി.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT