കൊട്ടിയൂര് പീഡനം: ശിക്ഷ റദ്ദാക്കണമെന്ന ഫാ. റോബിന്റെ അപ്പീല് ഇന്ന് ഹൈക്കോടതിയില്
കൊട്ടിയൂര് നീണ്ടുനോക്കിയിലെ പള്ളി വികാരിയായിരുന്ന റോബിന് വടക്കുംചേരിക്ക് തലശ്ശേരി പോക്സോ കോടതി 20 വര്ഷം കഠിനതടവും മൂന്നുലക്ഷം രൂപ പിഴയുമാണ് ശിക്ഷ വിധിച്ചിരുന്നത്
കൊച്ചി: പ്രമാദമായ കൊട്ടിയൂര് പീഡനക്കേസിലെ ശിക്ഷ റദ്ദാക്കണമെന്ന് ആവശ്യപ്പെട്ട് പ്രതി ഫാദര് റോബിന് വടക്കുംചേരി സമര്പ്പിച്ച അപ്പീല് ഹൈക്കോടതി ഇന്ന് പരിഗണിക്കും. പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയെന്ന കേസില് പ്രതിയായ കൊട്ടിയൂര് നീണ്ടുനോക്കിയിലെ പള്ളി വികാരിയായിരുന്ന റോബിന് വടക്കുംചേരിക്ക് തലശ്ശേരി പോക്സോ കോടതി 20 വര്ഷം കഠിനതടവും മൂന്നുലക്ഷം രൂപ പിഴയുമാണ് ശിക്ഷ വിധിച്ചിരുന്നത്. ഇതിനെതിരേയാണ് ഹൈക്കോടതിയെ സമീപിച്ചത്. ഉഭയസമ്മതപ്രകാരമാണ് ബന്ധം നടന്നതെന്നും പെണ്കുട്ടിയുടെ പ്രായം ശാസ്ത്രീയമായി കണക്കാക്കണമെന്ന തന്റെ ആവശ്യം വിചാരണക്കോടതി പരിഗണിച്ചില്ലെന്നും അപ്പീലില് പറയുന്നു. 2016ലാണു കേസിനാസ്പദമായ സംഭവം. കൊട്ടിയൂര് സെന്റ് സെബാസ്റ്റ്യന് പള്ളി വികാരിയായിരിക്കെ പള്ളിയിലെത്തിയ പ്ലസ് വണ് വിദ്യാര്ഥിനിയെ പീഡിപ്പിച്ച് ഗര്ഭിണിയാക്കുകയായിരുന്നു. കേസില് 2017 ലാണ് റോബിന് വടക്കുംചേരി അറസ്റ്റിലായത്. പെണ്കുട്ടി പ്രസവിച്ച കുഞ്ഞിനെ അനാഥാലയത്തിലേക്ക് മാറ്റുകയും വിവരം പുറത്തറയാതിരിക്കാന് വൈദികന് പണം വാഗ്ദാനം ചെയ്യുകയും ചെയ്തു. എന്നാല് സംഭവം പുറംലോകമറിയുകയും ചൈല്ഡ്ലൈനും പോലിസും ഇടപെടുകയുമായിരുന്നു. ഡിഎന്എ പരിശോധനയിലൂടെയാണ് പെണ്കുട്ടി പ്രസവിച്ച കുഞ്ഞിന്റെ പിതാവ് ഫോ. റോബിനാണെന്നു വ്യക്തമായത്. വിചാരണവേളയില് പെണ്കുട്ടിയുടെ മാതാപിതാക്കളും പെണ്കുട്ടി തന്നെയും ഫാ. റോബിന് അനുകൂലമായി മൊഴിമാറ്റിയിരുന്നെങ്കിലും സാഹചര്യ തെളിവുകളുടെയും ശാസ്ത്രീയ തെളിവുകളുടെയും അടിസ്ഥാനത്തിലാണ് ശിക്ഷ വിധിച്ചത്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT