ഇന്ത്യയില്‍ ആദ്യമായി മെട്രോ ട്രെയിനുകള്‍ക്ക് പേരുനല്‍കി കൊച്ചി മെട്രോ

കൊച്ചി:ഇന്ത്യയില്‍ ആദ്യമായി മെട്രോ ട്രെയിനുകള്‍ക്ക് പേരു നല്‍കി കൊച്ചി മെട്രോ റെയില്‍ ലിമിറ്റഡ്(കെഎംആര്‍എല്‍). റെഗുലര്‍ ട്രെയിനുകളെ പോലെ ഇന്ത്യയില്‍ ആദ്യമായി കൊച്ചി മെട്രോ ട്രെയിനുകളെ പേര് നോക്കി തിരിച്ചറിയാം. ഇന്ത്യന്‍ സംസ്‌കാരവുമായി ചേര്‍ന്നുനില്‍ക്കുന്ന പേരുകളാണ് മെട്രോയ്ക്ക് നല്‍കിയിരിക്കുന്നതെന്ന് കെഎംആര്‍എല്‍ അധികൃതര്‍ പറഞ്ഞു.പെരിയാര്‍,ശിരിയ,മാഹി,പമ്പ,ഗംഗ,കാവേരി,യമുന,നര്‍മ്മദ,നിള,ഗോദാവരി,സരയു,മന്ദാകിനി,പത്മ,ജാഹ്നവി,സബര്‍മതി,പവന്‍,മാരുത്,അരുത്,ധ്വനില്‍,വായു എന്നിങ്ങനെയാണ് മെട്രോ ട്രെയിനുകള്‍ക്ക് പേര് നല്‍കിയിരിക്കുന്നത്.