വിടപറഞ്ഞത് കേരളാ രാഷ്ട്രീയത്തിലെ അതികായന്‍: എസ്ഡിപിഐ

കോഴിക്കോട്: അന്തരിച്ച മുന്‍ മന്ത്രിയും കേരളാ കോണ്‍ഗ്രസ് (എം) ചെയര്‍മാനുമായിരുന്ന കെഎം മാണി കേരളാ രാഷ്ട്രീയത്തിലെ അതികായനായിരുന്നെന്നു എസ്ഡിപിഐ സംസ്ഥാന പ്രസിഡന്റ് പി അബ്ദുല്‍ മജീദ് ഫൈസി. സംസ്ഥാനത്തിന്റെ വികസനരംഗത്തു അദ്ദേഹം നല്‍കിയ സംഭാവനകള്‍ എന്നും സ്മരിക്കപ്പെടും. അഞ്ചു പതിറ്റാണ്ടിലധികം കേരളാ നിയമസഭാംഗമായി, ഏറ്റവുമധികം കേരള മന്ത്രിസഭയില്‍ അംഗമായി, ഏറ്റവുമധികം ബജറ്റ് അവതരിപ്പിച്ചു തുടങ്ങിയ നിരവധി റെക്കോഡുകളുമായാണ് മാണി ചരിത്രത്തിന്റെ ഭാഗമാവുന്നതെന്നും അദ്ദേഹം അനുശോചനസന്ദേശത്തില്‍ പറഞ്ഞു.