നാല് പുതിയ പോലിസ് സ്റ്റേഷനുകൾ നാളെമുതൽ; മൂന്നെണ്ണം വനിതാ സ്റ്റേഷനുകൾ

തിരുവനന്തപുരം: മൂന്നു വനിതാ പോലിസ് സ്റ്റേഷനുകളുൾപ്പടെ നാല് പുതിയ സ്റ്റേഷനുകൾ സംസ്ഥാനത്ത് നാളെ മുതൽ പ്രവർത്തനമാരംഭിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. കൊവിഡ് പ്രവർത്തനങ്ങളെ ഏകോപിപ്പിക്കുന്നത് കൂടി ലക്ഷ്യമിട്ടാണ് പുതിയ പോലിസ് സ്റ്റേഷനുകൾ ആരംഭിക്കുന്നത്.

വയനാട്ടിലെ നൂൽപ്പുഴയിലും ഇടുക്കി, പത്തനംതിട്ട, കാസർകോട് ജില്ലകളിലുമാണ് സ്റ്റേഷനുകൾ തുടങ്ങുക. ഇതിനകം 2,47,899 വീടുകൾ ജനമൈത്രി പോലിസ് സന്ദർശിച്ചിട്ടുണ്ട്. 42 പേർക്ക് ജില്ലകൾക്ക് പുറത്തേക്ക് മരുന്നെത്തിക്കാനുള്ള പ്രവർത്തനവും നടത്തിയിട്ടുണ്ട്.

അഗ്നിശമനസേനയുടെ പ്രവർത്തനങ്ങളെയും മുഖ്യമന്ത്രി പ്രശംസിച്ചു. അഗ്നിശമനസേന 22,533 സ്ഥലങ്ങളും 32,265 വാഹനങ്ങളും അണുവിമുക്തമാക്കി. 9,873 പേർക്ക് അവശ്യ മരുന്നുകൾ വീടുകളിൽ എത്തിച്ചു. 460 രോഗികളെ ആംബുലൻസിൽ ആശുപത്രിയിൽ എത്തിച്ചതായും മുഖ്യമന്ത്രി പറഞ്ഞു.