കേരള ബാങ്ക് രൂപീകരണം : ഹൈക്കോടതി നബാര്‍ഡിന്റെ വിശദീകരണം തേടി

കൊച്ചി: കേരള ബാങ്ക് രൂപീകരണം സംബന്ധിച്ചു ഹൈക്കോടതി നബാര്‍ഡിന്റെ വിശദീകരണം തേടി. നബാര്‍ഡിന്റെ മാര്‍ഗനിര്‍ദ്ദേശങ്ങള്‍ക്കനുസരിച്ചാണോ കേരള ബാങ്കിന്റെ രൂപീകരണമെന്നു അറിയിക്കണമെന്നു കോടതി നിര്‍ദ്ദേശം നല്‍കി. ജില്ലാ സഹകരണ ബാങ്കുകളെ ലയിപ്പിച്ചു കേരള ബാങ്ക് രൂപീകരിക്കാനുള്ള സര്‍ക്കാരിന്റെ മാര്‍ഗ നിര്‍ദ്ദേശങ്ങള്‍ക്കു വിരുദ്ധമാണെന്നു ചൂണ്ടിക്കാട്ടി സമര്‍പ്പിച്ചിട്ടുള്ള ഒരുകൂട്ടം ഹരജികളാണ് ജസ്റ്റിസ് അനില്‍ കെ നരേന്ദ്രന്റെ പരിഗണനയിലുള്ളത്. കേസില്‍ എതിര്‍ സത്യവാങ്മൂലം സമര്‍പ്പിക്കാന്‍ സര്‍ക്കാര്‍ സാവകാശം തേടി.