കളമശേരി ബസ് കത്തിക്കല്‍ കേസ്: നാലാം പ്രതി ഷെഫീഖിനെ മാപ്പു സാക്ഷിയാക്കാന്‍ എന്‍ ഐ എ

കൊച്ചി: കളമശേരി ബസ് കത്തിക്കല്‍ കേസില്‍ അവസാനമായി അറസ്റ്റിലായ പ്രതിയെ മാപ്പുസാക്ഷിയാക്കാന്‍ എന്‍ ഐ എ. കേസിലെ നാലാം പ്രതി കണ്ണൂര്‍ സ്വദേശി ഷെഫീഖിനെ മാപ്പുസാക്ഷിയാക്കാനാണ് എന്‍ ഐ എയുടെ ശ്രമം. സംഭവം നടന്നതിന് പിന്നാലെ ഇയാള്‍ വിദേശത്തേയക്ക് കടന്നിരുന്നു. എന്നാല്‍ ഇന്റര്‍പോള്‍ റെഡ് കോര്‍ണര്‍ നോട്ടീസ് പുറപ്പെടുവിച്ചതിനെത്തുടര്‍ന്ന് സൗദി അറേബ്യയില്‍നിന്ന് ഇയാളെ കയറ്റി വിട്ടിരുന്നു. 2018 ഏപ്രിലിലാണ് എന്‍ ഐ എയുടെ പിടിയിലായത്. മാപ്പുസാക്ഷിയാക്കുന്നതിന് മുന്നോടിയായി എന്‍ ഐ എ നല്‍കിയ അപേക്ഷയുടെ അടിസ്ഥാനത്തില്‍ എറണാകുളം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രതിയുടെ മൊഴി രേഖപ്പെടുത്തി.