മുഖ്യമന്ത്രിയെ അഭിനന്ദിച്ച് കോൺഗ്രസ് നേതാവ് കെ ശങ്കരനാരായണൻ

തിരുവനന്തപുരം: കൊവിഡ്‌ പ്രതിരോധ പ്രവർത്തനങ്ങളിൽ മുഖ്യമന്ത്രി പിണറായി വിജയന്‍ നടത്തുന്ന പ്രവർത്തനങ്ങളെ അഭിനന്ദിച്ച്‌ കോൺഗ്രസ്‌ നേതാവും മഹാരാഷ്ട്ര മുൻ ഗവർണറുമായ കെ ശങ്കരനാരായണൻ. മുഖ്യമന്ത്രിയുടെ ദുരിതാശ്വാസനിധിയിലേക്കുള്ള 50,000 രൂപയും സംസ്ഥാന സര്‍ക്കാരിന്റെ പ്രവർത്തനങ്ങളെ അഭിനന്ദിച്ചുള്ള കത്തും അദ്ദേഹം മന്ത്രി എ കെ ബാലനെ ഏൽപ്പിച്ചു. കഴിഞ്ഞ ദിവസം ശങ്കരനാരായണന്റെ വീട്ടിലെത്തി മന്ത്രി എ കെ ബാലൻ ചെക്ക്‌ ഏറ്റുവാങ്ങി.