എഴുത്തുകാരനും മാധ്യമപ്രവര്‍ത്തകനുമായിരുന്ന എ നന്ദകുമാര്‍ അന്തരിച്ചു

കോഴിക്കോട്: എഴുത്തുകാരനും മാധ്യമപ്രവര്‍ത്തകനുമായിരുന്ന എ നന്ദകുമാര്‍(63) അന്തരിച്ചു. 1956 ല്‍ പാലക്കാട് ജില്ലയിലെ കോതച്ചിറയിലാണ് ജനനം. കേരള സര്‍വകലാശാലയില്‍ നിന്ന് സാമ്പത്തിക ശാസ്ത്രത്തില്‍ ബിരുദാനന്ദരബിരുദം നേടിയ ഇദ്ദേഹം സാമ്പത്തിക ഉപദേഷ്ടാവായും പ്രവര്‍ത്തിച്ചിട്ടുണ്ട്. 'എ ആര്‍ റഹ്മാന്‍ ജീവിതം, സംഗീതം, സിനിമ', 'ഊണും ബോണസും ചില കൈപ്പിഴകളും', 'പ്രശ്‌നങ്ങളും പരിഹാരങ്ങളും', 'പേഴ്‌സണല്‍ കംപ്യൂട്ടറുകളുടെ ട്രബിള്‍ ഷൂട്ടിങ് റിപ്പയര്‍ ആന്റ് മെയിന്റനന്‍സ്(കംപ്യൂട്ടര്‍ കൃതികള്‍) എന്നിവയാണ് പ്രധാന കൃതികള്‍. 'ഘടികാരം പറയുന്നതെന്താണ്' എന്ന ടെലിഫിലിമിനു കഥയും തിരക്കഥയും സംഭാഷണവും നല്‍കിയിട്ടുണ്ട്. സംസ്‌കാരം ശനിയാഴ്ച രാവിലെ 10നു കൊച്ചി രവിപുരത്ത് നടക്കും.