പാലാ ഉപതിരഞ്ഞെടുപ്പ്: യു​ഡി​എ​ഫ് സ്ഥാ​നാ​ർ​ഥി​യെ സമവായത്തിലൂടെ ക​ണ്ടെ​ത്തു​മെ​ന്ന് ജോ​സ് കെ ​മാ​ണി

കോ​ട്ട​യം: പാലാ നിയമസഭാ മണ്ഡലത്തിലെ ഉപതിരഞ്ഞെടുപ്പ് പ്രഖ്യാപിച്ച സാഹചര്യത്തിൽ യു​ഡി​എ​ഫ് സ്ഥാ​നാ​ർ​ഥി​യെ സമവായച​ർ​ച്ചയിലൂടെ ക​ണ്ടെ​ത്തു​മെ​ന്ന് കേ​ര​ള കോ​ണ്‍​ഗ്ര​സ്-​എം നേ​താ​വ് ജോ​സ് കെ ​മാ​ണി. അ​നു​യോ​ജ്യ​മാ​യ തീ​രു​മാ​നം ഉ​ട​നു​ണ്ടാ​കു​മെ​ന്നും അദ്ദേഹം പ​റ​ഞ്ഞു.

സ്ഥാ​നാ​ർ​ഥി​യെ സം​ബ​ന്ധി​ച്ചു പാ​ർ​ട്ടി​ക്കു​ള്ളി​ൽ യോ​ഗം വി​ളി​ച്ചു​കൂ​ട്ടി സ​മ​വാ​യ​ത്തി​ലൂ​ടെ തീ​രു​മാ​ന​മെ​ടു​ക്കും. തി​ര​ഞ്ഞെ​ടു​പ്പ് ക​മ്മീ​ഷ​ന്‍റെ തീ​രു​മാ​നം അ​പ്ര​തീ​ക്ഷി​ത​മ​ല്ല. സ​പ്തം​ബ​ർ അ​വ​സാ​നം തി​ര​ഞ്ഞെ​ടു​പ്പ് ന​ട​ക്കു​മെ​ന്നു പ്ര​തീ​ക്ഷി​ച്ചി​രു​ന്നു. കേ​ര​ള കോ​ണ്‍​ഗ്ര​സി​ലെ ഭി​ന്ന​ത തിര​ഞ്ഞെ​ടു​പ്പി​ൽ പ്ര​ശ്ന​മാ​കി​ല്ല. പാ​ർ​ട്ടി​ക്കു​ള്ളി​ൽ ച​ർ​ച്ച ചെ​യ്ത് അ​നു​യോ​ജ്യ​മാ​യ തീ​രു​മാ​നം ഉ​ണ്ടാ​കു​മെ​ന്നും ജോ​സ് കെ ​മാ​ണി പ​റ​ഞ്ഞു.

കെ എം മാണി മരിച്ച ഒഴിവിലേക്കാണ് സപ്തംബര്‍ 23ന് പാലായിൽ ഉപതിരഞ്ഞെടുപ്പ് നടക്കുന്നത്. മാതൃകാപെരുമാറ്റച്ചട്ടം നിലവില്‍ വന്നു. 27നാണ് വോട്ടെണ്ണല്‍. സപ്തംബര്‍ നാല് വരെ നാമനിര്‍ദേശ പത്രിക നല്‍കാം. പത്രികകളുടെ സൂക്ഷ്മപരിശോധന അഞ്ചിന് നടക്കും. പത്രിക പിന്‍വലിക്കാനുള്ള അവസാന തിയ്യതി സപ്തംബർ ഏഴ്.

യുഡിഎഫിന്‍റെ സുരക്ഷിത മണ്ഡലങ്ങളില്‍ ഒന്നാണ് പാല. എന്നാല്‍ കേരള കോണ്‍ഗ്രസ് എമ്മിലെ ഭിന്നത രൂക്ഷമായ സാഹചര്യത്തിൽ യുഡിഎഫ് ക്യാമ്പ് ആശങ്കയിലാണ്. അധികാര തർക്കത്തെ തുടർന്ന് ജോസ് കെ മാണി വിഭാഗവും ജോസഫ് വിഭാഗവും രണ്ടുതട്ടില്‍ തുടരുകയാണ്. ലോക്സഭാ തിരഞ്ഞെടുപ്പില്‍ വൻതോൽവി നേരിട്ട എല്‍ഡിഎഫിനും ഉപതിരഞ്ഞെടുപ്പ് നിർണായകമാണ്.