അതിശക്തമായ മഴ; ഏഴ് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
കണ്ണൂര്: സംസ്ഥാനത്തെ ശക്തമായ മഴയ്ക്ക് പിന്നാലെ റെഡ് അലര്ട്ട് പ്രഖ്യാപിച്ച സാഹചര്യത്തില് കണ്ണൂര്, എറണാകുളം, കാസര്കോട്, കോട്ടയം, തൃശൂര്, ഇടുക്കി, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വെള്ളിയാഴ്ച അവധി പ്രഖ്യാപിച്ചു.
കണ്ണൂര് ജില്ലയില് അങ്കണവാടികള്, മദ്റസകള്, ട്യൂഷന് സെന്ററുകള്, സ്പെഷല് ക്ലാസുകള് എന്നിവയ്ക്ക് മേയ് 30 ന് ജില്ലാ കലക്ടര് അവധി പ്രഖ്യാപിച്ചു.
എറണാകുളം ജില്ലയില് ഓറഞ്ച് അലര്ട്ട് പ്രഖ്യാപിച്ച സാഹചര്യത്തില് പ്രൊഫഷനല് സ്ഥാപനങ്ങള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച (മേയ്30) അവധിയായിരിക്കുമെന്ന് ജില്ലാ കലക്ടര് എന്എസ്കെ ഉമേഷ് അറിയിച്ചു. അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകമാണ്.
കാസര്കോട് റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയിലെ പ്രൊഫഷനല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, കേന്ദ്രീയ വിദ്യാലയങ്ങള്, ട്യൂഷന് സെന്ററുകള്, സ്പെഷല് ക്ലാസുകള്, അങ്കണവാടികള്, തുടങ്ങിയവയ്ക്ക് നാളെ ജില്ലാ കലക്ടര് കെ ഇമ്പശേഖര് അവധി പ്രഖ്യാപിച്ചു. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
കോട്ടയം ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും മേയ് 30ന് (വെളളിയാഴ്ച) അവധി പ്രഖ്യാപിച്ച് ഉത്തരവായി. മുന്പ് നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ല. എംജി സര്വകലാശാല നാളെ (മേയ് 30) നടത്താനിരുന്ന എല്ലാ പരീക്ഷകളും മാറ്റി.
തൃശൂര് ജില്ലയില് കനത്ത മഴ തുടരുന്നതിനാല് മുന്കരുതല് നടപടിയുടെ ഭാഗമായി നാളെ (മേയ് 30) ജില്ലയിലെ പ്രൊഫഷണല് കോളജുകള്, അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സി.ബി.എസ്.ഇ, ഐ.സി.എസ്.ഇ സ്കൂളുകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിക്കുന്നു. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
ഇടുക്കി ജില്ലയിലെ മദ്റസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള്, പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും (30/05/2025 വെള്ളി) ജില്ലാ കളക്ടര് വി വിഗ്നേശ്വരി അവധി പ്രഖ്യാപിച്ചു. റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല. വേനലവധിയുടെ ഭാഗമായുള്ള ക്ലാസുകള്, പ്രത്യേക കോച്ചിങ് സെഷനുകള് എന്നിവ പാടില്ല. നഷ്ടപ്പെടുന്ന പഠന സമയം ഓണ്ലൈന് ക്ലാസ്സുകള് ഉള്പ്പെടെ നടത്തി ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കണമെന്നും കലക്ടറുടെ ഉത്തരവില് പറയുന്നു.
വയനാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് അവധി പ്രഖ്യാപിച്ചു. റസിഡന്ഷ്യല് സ്കൂളുകള്ക്കും റസിഡന്ഷ്യല് കോളജുകള്ക്കും അവധി ബാധകമല്ല.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
