ഉഷ്ണതരംഗം; സംസ്ഥാനത്ത് വിദ്യാഭ്യാസ സ്ഥാപനങ്ങള് അടച്ചിടാന് നിര്ദ്ദേശം; അവധിക്കാല ക്ലാസുകള് നിയന്ത്രിക്കും
തിരുവനന്തപുരം: ഉഷ്ണതരംഗ സാധ്യത കണക്കിലെടുത്ത് സംസ്ഥാനത്ത് മെയ് ആറ് വരെ പ്രഫഷനല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള് അടച്ചിടാന് നിര്ദേശം. ഉഷ്ണതരംഗ സാധ്യത വിലയിരുത്താന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ദുരന്തനിവാരണ അതോറിറ്റിയുടെ യോഗത്തിലാണ് നിര്ദേശം നല്കിയത്.
സ്കൂള് വിദ്യാര്ഥികള്ക്ക് അവധിക്കാല ക്ലാസുകള് രാവിലെ 11 മുതല് ഉച്ചക്കുശേഷം മൂന്നുവരെ ഒഴിവാക്കണം. പോലിസ്, അഗ്നിശമന രക്ഷാസേന, മറ്റ് സേനാവിഭാഗങ്ങള്, എന്.സി.സി, എസ്.പി.സി തുടങ്ങിയവയുടെ പരിശീലന കേന്ദ്രങ്ങളില് പകല് സമയത്തെ പരേഡും ഡ്രില്ലുകളും ഒഴിവാക്കണമെന്നും നിര്ദേശം നല്കി. വിവിധ ജില്ലകളിലെ സാഹചര്യം ജില്ല കലക്ടര്മാര് വിശദീകരിച്ചു.
രാവിലെ 11 മുതല് മൂന്നു വരെയുള്ള സമയത്ത് നേരിട്ട് ശരീരത്തില് സൂര്യപ്രകാശം ഏല്ക്കുന്നത് ഒഴിവാക്കണമെന്ന് മുഖ്യമന്ത്രി അഭ്യര്ഥിച്ചു. നിര്മാണ തൊഴിലാളികള്, കര്ഷക തൊഴിലാളികള്, വഴിയോര കച്ചവടക്കാര്, മത്സ്യ തൊഴിലാളികള്, മറ്റ് കാഠിന്യമുള്ള ജോലികളില് ഏര്പ്പെടുന്നവര് മുതലായവര് ഇതിനനുസരിച്ച് ജോലി സമയം ക്രമീകരിക്കണം. ആസ്ബെസ്റ്റോസ്, ടിന് ഷീറ്റുകള് മേല്ക്കൂരയായിട്ടുള്ള തൊഴിലിടങ്ങള് പകല് സമയം അടച്ചിടണം. ഇവ മേല്ക്കൂരയായുള്ള വീടുകളില് താമസിക്കുന്ന അതിഥി തൊഴിലാളികള് ഉള്പ്പെടെയുള്ളവരെ ക്യാമ്പുകളിലേക്ക് മാറ്റാനാവശ്യമായ സൗകര്യങ്ങള് ഒരുക്കണം. മാര്ക്കറ്റുകള്, കെട്ടിടങ്ങള്, മാലിന്യശേഖരണ-നിക്ഷേപ കേന്ദ്രങ്ങള് തുടങ്ങിയ തീപിടിത്ത സാധ്യതയുള്ള ഇടങ്ങളില് ഫയര് ഓഡിറ്റ് നടത്തുകയും സുരക്ഷാ മുന്കരുതല് സ്വീകരിക്കുകയും വേണം.
ആശുപത്രികളുടെയും പ്രധാന സര്ക്കാര് സ്ഥാപനങ്ങളുടെയും ഫയര് ഓഡിറ്റ് സംസ്ഥാന ദുരന്തനിവാരണ അതോറിറ്റി പുറപ്പെടുവിച്ച മാനദണ്ഡം അനുസരിച്ച് പെട്ടന്നുതന്നെ ചെയ്യണം. കാട്ടുതീ ഉണ്ടാകാനുള്ള സാഹചര്യങ്ങള് ഒഴിവാക്കാന് വനം വകുപ്പിന്റെ നിര്ദേശങ്ങള് കര്ശനമായി പാലിക്കണം. കലാ-കായിക മത്സരങ്ങള്/പരിപാടികള് രാവിലെ 11 മുതല് വൈകീട്ട് മൂന്നു വരെ നിര്ബന്ധമായും നടത്തരുത്. ഉച്ചവെയിലില് കന്നുകാലികളെ മേയാന് വിടുന്നതും മറ്റു വളര്ത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം.
ലയങ്ങള്, ആദിവാസി, ആവാസകേന്ദ്രങ്ങള് മുതലായ ഇടങ്ങളില് കുടിവെള്ളം ഉറപ്പാക്കണം. പരിസ്ഥിതി ദിനമായ ജൂണ് അഞ്ചിന് എല്ലാ പൊതുസ്ഥലങ്ങളിലും തണല്മരങ്ങള് പിടിപ്പിച്ച് സംരക്ഷിക്കണമെന്നും മുഖ്യമന്ത്രി പറഞ്ഞു. മഴക്കാല പൂര്വ ശുചീകരണത്തിന്റെ ഭാഗമായി പ്രഥമികമായി ചെയ്യേണ്ട കാര്യങ്ങള് ചര്ച്ച ചെയ്യാന് ജില്ലാ ചുമതലയുള്ള മന്ത്രിയുടെ സാന്നിധ്യത്തില് കലക്ടറുടെ നേതൃത്വത്തില് യോഗം ചേരണം. തദ്ദേശ സ്വയംഭരണ സ്ഥാപനങ്ങള് അടിയന്തരമായി മഴക്കാല പൂര്വ ശുചീകരണം ആരംഭിക്കണം. വേനല് മഴ ശക്തമാകുന്നതിന് മുമ്പ് ഓടകള്, കൈത്തോടുകള്, കള്വര്ട്ടുകള്, ചെറിയ കനാലുകള് എന്നിവയിലെ തടസങ്ങള് നീക്കണം.
പൊതു ഇടങ്ങളില് മാലിന്യം കെട്ടിക്കിടക്കാന് ഇടയാക്കരുത്. കൊതുക് നിര്മ്മാര്ജനം വ്യാപകമായി നടത്തണം. ദുരിതാശ്വാസ ക്യാമ്പുകള്ക്കായി ഉപയോഗിക്കേണ്ട കെട്ടിടങ്ങള് സജ്ജമാക്കാന് തദ്ദേശസ്വയംഭരണ വകുപ്പ് ശ്രദ്ധിക്കണം. എല്ലാ പൊഴികളും ആവശ്യമായ അളവില് തുറന്ന് അധിക ജലം പുറത്തേക്ക് ഒഴുക്കണം. ഇത് മെയ് 25ന് മുമ്പായി പൂര്ത്തീകരിക്കണം.
വിനോദസഞ്ചാര കേന്ദ്രങ്ങളില് അപകടസാധ്യത മുന്നറിയിപ്പുകള് പ്രദര്ശിപ്പിക്കണം. മലവെള്ളപ്പാച്ചില് ഉണ്ടാവാന് ഇടയുള്ള ജലാശയങ്ങളില് സുരക്ഷാ മുന്നറിയിപ്പ് നല്കണം. ആപദ്മിത്ര, സിവില് ഡിഫന്സ്, തുടങ്ങിയ സന്നദ്ധസേനകളെ നേരത്തേ സജ്ജമാക്കണം. എലിപ്പനി, ഡങ്കിപ്പനി ഉള്പ്പെടെയുള്ള പകര്ച്ചവ്യാധി പ്രതിരോധത്തില് കാര്യമായി ശ്രദ്ധിക്കണമെന്നും മുഖ്യമന്ത്രി പറഞ്ഞു. ഓണ്ലൈനായി ചേര്ന്ന യോഗത്തില് മന്ത്രിമാര്, ചീഫ് സെക്രട്ടറി ഡോ. വി. വേണു അടക്കമുള്ള ഉന്നത ഉദ്യോഗസ്ഥര്, ദുരന്തനിവാരണ അതോറിറ്റി മെമ്പര് സെക്രട്ടറി ശേഖര് കുര്യാക്കോസ് തുടങ്ങിയവര് പങ്കെടുത്തു.
RELATED STORIES
യെച്ചൂരിയുടെയും ദേവരാജന്റെയും പ്രസംഗത്തിന് ദൂരദര്ശന്റെ കത്രിക
17 May 2024 4:44 AM GMTനമ്മുടെ ഭൂമിയില് നിന്ന് ഇസ്രായേലിനെ പുറത്താക്കുക തന്നെ ചെയ്യും:...
16 May 2024 5:33 PM GMTമാട്ടൂലിലെ വൈദ്യുതി പ്രതിസന്ധി; അടിയന്തരമായി പ്രശ്നപരിഹാരം...
16 May 2024 5:06 PM GMTകപില് സിബല് സുപ്രിംകോടതി ബാര് അസോസിയേഷന് അധ്യക്ഷന്
16 May 2024 4:58 PM GMTകൊവിഷീല്ഡിനു പിന്നാലെ കൊവാക്സിനും പാര്ശ്വഫലങ്ങളെന്ന് പഠന...
16 May 2024 4:34 PM GMTവിരലിനു പകരം നാവിന് ശസ്ത്രക്രിയ: ഡോക്ടര്ക്ക് സസ്പെന്ഷന്
16 May 2024 1:11 PM GMT