സര്‍ക്കാര്‍ ഡ്രൈവര്‍മാര്‍ക്ക് യൂനിഫോം നിശ്ചയിച്ചു

തിരുവനന്തപുരം: സര്‍ക്കാര്‍ വകുപ്പുകളിലെ കോമണ്‍ കാറ്റഗറിയില്‍പ്പെട്ട ഡ്രൈവര്‍ തസ്തികയുടെ യൂണിഫോം നിശ്ചയിച്ച് സര്‍ക്കാര്‍ ഉത്തരവായി. കറുപ്പ് നിറത്തിലുള്ള പാന്റ്സും വെള്ളനിറത്തിലുള്ള ഷര്‍ട്ടുമാണ് യൂണിഫോം. എന്‍സിസി., വിനോദ സഞ്ചാരം, പോലിസ്, എക്സൈസ്, സൈനികക്ഷേമം, ആഭ്യന്തരം എന്നീ വകുപ്പുകളൊഴികെയുള്ളവര്‍ക്കാണ് ഇത് ബാധകം.

യൂനിഫോം അലവന്‍സിന് അര്‍ഹതയുള്ള എല്ലാ ഡ്രൈവര്‍മാരും ഡ്യൂട്ടി സമയത്ത് യൂനിഫോം നിര്‍ബന്ധമായും ധരിക്കണമെന്നും ഉത്തരവില്‍ പറയുന്നു.